Genesis 16:7 - Yn Vible Casherick 1775 1819

⁷ As hooar ainle y Chiarn ee liorish farrane ushtey ayns yn aasagh, liorish y chibbyr t’ayns y raad gys Shur.

Genesis 16:7 ပူးပေါင်းရင်းမြစ်များ

Genesis 20:1

As ghow Abraham e yurnah veih shen lesh y cheer my-yiass, as ren eh cummal eddyr Kadesh as Shur, as v’eh er e yoarreeaght ayns Gerar.

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 21:18

Irree, trog seose y ghuilley, as gow eh er y laue, son neem’s jehsyn ny ashoon pooaral.

Genesis 21:19

As doshil Jee ny sooillyn eck, as honnick ee chibbyr ushtey: as hiee, as lhieen ee yn boteil lesh ushtey, as hug ee jough da’n ghuilley.

Genesis 22:11

As ren ainle y Chiarn geamagh da veih niau, as dooyrt eh, Abraham, Abraham. As dreggyr eh, Ta mee ayns shoh.

Genesis 22:15

As deïe ainle y Chiarn da Abraham veih niau, yn nah cheayrt,

Genesis 24:7

Yn Chiarn Jee jeh niau, ghow mee veih thie my ayrey, as veih cheer my chynney, as ren loayrt rhym, as ren breearrey dou, gra, Da dty luight ver-yms yn cheer shoh; v’er eshyn e ainle royd, as gowee oo ben da my vac veih’n cheer shen.

Genesis 25:18

As va’n cummal oc veih Havilah gys Shur, ta shen, er slyst Egypt, myr t’ou goll lesh Assyria: as hooar eh baase mastey ooilley e vraaraghyn.

Genesis 31:11

As loayr ainle Yee rhym ayns dreamal, gra, Jacob: as dooyrt mish, Ta mee ayns shoh.

Exodus 15:22

Myr shoh hug Moses lesh Israel veih’n Aarkey Jiarg, as ad y leeideil stiagh gys faasagh Shur, as ren ad troailt three laa ’syn aasagh, as cha dooar ad ushtey.

Exodus 3:2

As haink ainle y Chiarn huggey ayns lossey dy aile ayns thammag: as yeeagh eh, as cur-my-ner, va’n thammag lossey lesh aile, as cha row’n thammag losht.

Raaghyn Creeney 15:3

Ta sooillyn y Chiarn ayns dy chooilley voayl, cur-my-ner chammah sie as mie.

1 Samuel 15:7

As woaill Saul ny Amalekiteyn veih Havilah derrey Shur, ta rish ardjyn Egypt.