Genesis 16:16 - Yn Vible Casherick 1775 1819

¹⁶ As va Abram kiare-feed bleïn as shey dy eash tra ren Hagar gymmyrkey Ishmael da Abram.

Genesis 16:16 ပူးပေါင်းရင်းမြစ်များ

Genesis 12:4

Myr shen dimmee Abram roish, myr va’n Chiarn er loayrt rish; as hie Lot mârish: as va Abram three-feed bleïn as queig-jeig dy eash, tra hie eh magh ass Haran.

Genesis 16:15

As dymmyrk Hagar mac da Abram, as denmys Abram ennym e vac ren Hagar gymmyrkey da, Ishmael.

Genesis 16:3

As ghow Sarai ben Abram yn inney-veyl eck Hagar, yn Egyptian, erreish da Abram v’er chummal jeih bleeaney ayns cheer Chanaan; as hug ish ee da e sheshey Abram, dy ve myr ben da.

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 17:25

As va Ishmael e vac three bleeaney jeig dy eash tra v’eh er ny yiarey-chymmylt ayns yn eill.

Genesis 21:5

As va Abraham keead bleïn dy eash, tra va e vac Isaac er ny ruggey da.

Genesis 25:17

As ad shoh bleeantyn eash Ishmael, shey-feed bleïn as shiaght-jeig: as livrey eh seose e annym, as hooar eh baase, as v’eh er ny haglym gys e ayraghyn.