Genesis 16:12 - Yn Vible Casherick 1775 1819

¹² Bee eh ny ghooinney feïe: bee yn laue echey noi dy chooilley ghooinney, as laue dy chooilley ghooinney n’oï-syn: as bee e chummal ayns fenish ooilley e vraaraghyn.

Genesis 16:12 ပူးပေါင်းရင်းမြစ်များ

Genesis 21:20

As va Jee marish y ghuilley, as daase eh, as ren eh baghey ’syn aasagh, as haink eh dy ve ny hideyr.

Genesis 25:18

As va’n cummal oc veih Havilah gys Shur, ta shen, er slyst Egypt, myr t’ou goll lesh Assyria: as hooar eh baase mastey ooilley e vraaraghyn.

Genesis 27:40

As liorish dty chliwe nee oo beaghey, as nee oo shirveish dty vraar: as hig eh gy-kione, tra vees oo er chosney’n varriaght, dy jean oo yn whing echeysyn y vrishey voish dty wannal.

Genesis 37:25

As hoie ad sheese, dy ghoaill beaghey: as hrog ad seose nyn sooillyn, as yeeagh ad, as cur-my-ner, haink sheshaght dy Ishmaeliteyn veih Gilead, lesh nyn camelyn, cur lhieu spiceyn, as balm, as myrrh, goll lesh sheese gys Egypt.

Lioar Yob 11:12

Son baillish dooinney donney ve coontit creeney, ga dy vel eh er ny ruggey myr lhiy yn assyl fadane.

Lioar Yob 24:5

Cur-my-ner, myr ny assylyn feïe ’syn aasagh, shen myr t’ad goll magh gys nyn obbyr, girree dy moghey son spooilley: ta’n aasagh gymmyrkey mess daue hene as da nyn gloan.