Genesis 16:11 - Yn Vible Casherick 1775 1819

¹¹ As dooyrt ainle y Chiarn r’ee, Cur-my-ner t’ou torragh, as ver oo mac son y theihll, as bee yn ennym echey Ishmael, er-yn-oyr dy vel yn Chiarn er chlashtyn dty heaghyn.

Genesis 16:11 ပူးပေါင်းရင်းမြစ်များ

Genesis 17:19

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 37:25

As hoie ad sheese, dy ghoaill beaghey: as hrog ad seose nyn sooillyn, as yeeagh ad, as cur-my-ner, haink sheshaght dy Ishmaeliteyn veih Gilead, lesh nyn camelyn, cur lhieu spiceyn, as balm, as myrrh, goll lesh sheese gys Egypt.

Lioar Yob 38:41

Quoi ta kiarail beaghey son y feeagh? tra ta e eeanlee geamagh gys Jee, t’ad rouail mygeayrt son laccal bee.

Psalmyn 22:24

Son cha vel eh er hoiaghey beg jeh, ny er hreigeil stayd injil y voght: cha vel eh er ollaghey e eddin veih, agh tra deïe eh er, hug eh clashtyn da.

Exodus 3:7

As dooyrt y Chiarn, Dy firrinagh ta mee er vakin seaghyn my phobble t’ayns Egypt, as ta mee er chlashtyn nyn eam, kyndagh rish nyn oaseiryn tranlaasagh; son shione dou nyn drimshey.

Exodus 3:9

Shen-y-fa nish, cur-my-ner, ta eam cloan Israel er jeet hym’s: as ta mee myrgeddin er vakin y tranlaase, ta ny Egyptianee er n’yannoo orroo.

Isaiah 7:14

Shen-y-fa ver y Chiarn hene cowrey diu: Cur-my-ner, nee moidyn gientyn, as mac y choyrt son y theihll, as bee eh enmyssit Immanuel.

Noo Luke 1:13

Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Noo Luke 1:31

As cur-my-ner, nee oo giennaghtyn, as mac y ymmyrkey, as enmyssee oo yn ennym echey Yeesey.

Noo Luke 1:63

As hir eh boayrd screeuee, as scrieu eh, gra, Ta’n ennym echey Ean. As ghow ad ooilley yindys.

1 Samuel 1:20

Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.