Genesis 16:10 - Yn Vible Casherick 1775 1819

¹⁰ As dooyrt ainle y Chiarn r’ee, Neem’s bishaghey dty luight erskyn towse, nagh vod ad v’er nyn goontey son yn earroo oc.

Genesis 16:10 ပူးပေါင်းရင်းမြစ်များ

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 16:9

As dooyrt ainle y Chiarn r’ee, Chyndaa gys dty ven-ainshtyr, as jean oo hene y injillaghey fo yn laue eck.

Genesis 17:20

As mychione Ishmael, ta mee er dty chlashtyn: cur-my-ner, ta mee er vannaghey eh, as nee’m eh messoil, as nee’m bishaghey eh erskyn towse: daa phrince jeig nee eh y gheddyn, as neem’s eh ny ashoon mooar.

Genesis 21:13

As myrgeddin, veih mac yn inney-veyl trog-yms seose ashoon mooar, er-y-fa dy nee dty luight’s eh.

Genesis 21:16

As hiee as hoie ee sheese jeeragh er, tammylt mie veih, mysh orraghey sidey: son dooyrt ee, Ny lhig dou fakin baase y lhiannoo. As hoie ee sheese jeeragh er, as hrog ee seose e coraa, as ren ee keayney.

Genesis 21:18

Irree, trog seose y ghuilley, as gow eh er y laue, son neem’s jehsyn ny ashoon pooaral.

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Noo Ean 1:18

Cha vel unnane erbee er vakin Jee ec traa erbee; yn ynrycan Mac v’er ny gheddyn, ta ayns oghrish yn Ayr, eshyn t’er hoilshaghey eh.

1 Timothy 6:16

Echeysyn ny-lomarcan ta’n vea dy bragh farraghtyn, baghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

Briwnyn 6:11

As haink ainle y Chiarn, as hoie eh fo billey-darragh va ayns Ophrah, va lesh Joash yn Abi-ezrite: as va e vac Gideon bwoalley curnagh liorish yn press-feeyney, dy cheiltyn eh veih ny Midianiteyn.

Briwnyn 6:16

As dooyrt y Chiarn rish, Shickyr beem’s mayrt, as nee oo bwoalley ny Midianiteyn myr dy beagh ad agh un dooinney.