Genesis 15:9 - Yn Vible Casherick 1775 1819

⁹ As dooyrt eh rish, Gow hood colbagh jeh three bleeaney dy eash, as goayr bwoirryn three bleeaney dy eash, as rea three bleeaney dy eash, as calmane-turtle, as eean calmane.

Genesis 15:9 ပူးပေါင်းရင်းမြစ်များ

Genesis 15:10

As ghow eh ad shoh ooilley, as yiare eh dagh unnane oc ayns daa ayrn, as hug eh dagh peesh ny lhie yn derrey yeh noi yn jeh elley: agh ny eeanlee cha ren eh rheynn.

Genesis 15:8

As dooyrt eh, Hiarn Yee, cre’n cowrey ver oo dou, dy bee shoh my eiraght.

Genesis 22:13

As hrog Abraham seose e hooillyn, as yeeagh eh, as cur-my-ner, ny chooyl va rea goit ayns thammag er e eairkyn: As hie Abraham as ghow eh yn rea, as heb eh son oural-losht eh ayns ynnyd e vac.

Psalmyn 50:5

Chaggle-jee my nooghyn cooidjagh hym’s: ad shen ta er n’yannoo conaant rhym lesh oural;

Arrane Solomon 2:12

Ta ny blaaghyn ry-akin er y thalloo, ta imbagh kiaulleeaght ny ushagyn er jeet, as ta bingys yn turtle er ny chlashtyn ’sy cheer ain.

Isaiah 15:5

Nee my chree dobberan son Moab; nee ny scapailtee echey chea gys Zoar, myr colbagh three bleeaney: son lesh keayney hed ad seose lesh ughtagh Luhith; son ayns raad Horonaim troggee ad eam traartys.

Leviticus 1:10

As my vees y chebbal echey jeh ny shioltaneyn, ta shen, jeh ny kirree, ny jeh ny goair, son oural-losht; ver eh lesh eh fyrrynagh fegooish lheamys.

Leviticus 1:14

As my she dy eeanlee vees e oural-losht, son chebbal gys y Chiarn, eisht ver eh lesh e hebbal jeh calmaneyn-turtle, ny jeh eean calmane.

Leviticus 1:3

My vees yn oural echey son oural-losht jeh’n chelloo, lhig da chebbal fyrrynagh fegooish lheamys; nee eh chebbal eh jeh’n aigney feoilt echey hene ec dorrys y chabbane-agglish, roish y Chiarn.

Leviticus 12:6

As tra ta laghyn e ghlenney cooilleenit, son mac, ny son inneen; ver ee lh’ee eayn jeh’n chied vleïn son oural-losht, as eean calmane, ny calmane-turtle son oural-peccah, gys dorrys y chabbane-agglish gys y taggyrt:

Leviticus 12:8

As mannagh bee’n fort eck dy chur lh’ee eayn, eisht ver ee lh’ee daa chalmane-turtle, ny daa eean calmane; yn derrey yeh son yn oural-losht, as y jeh elley son oural-peccah: as nee’n saggyrt jannoo lhiasaghey er e son, as bee ish glen.

Leviticus 14:22

As daa chalmane-turtle, ny da eean calmane, lheid as oddys eh gheddyn; as bee’n derrey yeh oural-peccah, as y jeh elley oural-losht.

Leviticus 14:30

As nee eh chebbal unnane jeh ny calmaneyn-turtle, ny jeh ny calmaneyn aegey, lheid as oddys eh gheddyn;

Leviticus 3:1

As my vees e hoyrtys son oural-shee, my t’eh chebbal eh jeh’n chelloo, edyr eh ve fyrryn ny bwoirryn, nee eh y hebbal eh fegooish lheamys roish y Chiarn.

Leviticus 3:6

As my vees y chebbal echey jeh’n chioltane, fyrryn ny bwoirryn, son toyrtys casherick dy oural-shee gys y Chiarn, nee eh chebbal eh gyn lheamys.

Leviticus 9:2

As dooyrt eh rish Aaron, Gow uss lheiy aeg son oural-peccah, as rea son oural-losht, fegooish lheamys, as cheb ad roish y Chiarn.

Leviticus 9:4

Dow as rea myrgeddin son oural-shee, dy hebbal kiongoyrt y Chiarn: as oural-arran lesh ooil ny chione: son jiu nee’n Chiarn eh hene y hoilshaghey diu.

Noo Luke 2:24

As dy hebbal yn oural t’er ny harey ayns leigh yn Chiarn, Piyr dy chalmaneyn-turtle, ny daa chalmane aegey.