Genesis 15:5 - Yn Vible Casherick 1775 1819

⁵ As hug eh lesh eh magh (’sy vagher) as dooyrt eh rish, jeeagh nish seose ’syn aer, as gow earroo ny rollageyn, my oddys oo ad y choontey: as dooyrt eh rish, Myr shen vees dty luight.

Genesis 15:5 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 16:10

As dooyrt ainle y Chiarn r’ee, Neem’s bishaghey dty luight erskyn towse, nagh vod ad v’er nyn goontey son yn earroo oc.

Genesis 17:2

As nee’m my chonaant y yannoo eddyr mish as uss, as bishaghey oo erskyn towse.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 26:4

As ver-yms er dty luight dy vishaghey myr rollageyn yn aer, as ver-ym da dty luight ooilley ny cheeraghyn shoh; as ayns dty luight vees ooilley ashoonyn y theihll er nyn mannaghey:

Genesis 28:14

As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.

Genesis 32:13

As ghow eh aaght ayns shen yn oie cheddin, as ghow eh jeh shen, ny va fo e laue, gioot son Esau e vraar.

1 Reeaghyn 3:8

As ta dty harvaant ayns mean dty phobble t’ou er reih; pobble mooar nagh vod ve er nyn earroo, ny coontit, t’ad whilleen.

1 Recortyssyn 27:23

Agh cha ghow David yn earroo oc veih feed bleïn dy eash as fo: er-yn-oyr dy row’n Chiarn er ghra, dy jinnagh eh Israel y vishaghey myr rollageyn yn aer.

Nehemiah 9:23

Yn chloan oc ren oo myrgeddin y vishaghey, myr rollageyn niau, as hug oo lhiat ad gys y cheer, my-e-chione v’ou er yialdyn da nyn ayraghyn, dy ragh ad stiagh dy ghoaill possession jeh.

Lioar Yob 35:5

Cur-my-ner ny niaughyn, as jeeagh; as cur-my-ner ny bodjallyn, ta ny syrjey na uss.

Psalmyn 147:4

T’eh coontey earroo ny rollageyn: as ta ennym echey er dagh unnane oc.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Jeremiah 33:22

Myr nagh vod earroo ve goit jeh rollageyn yn aer, ny genniagh ny marrey ve towshit; myr shen neem’s bishaghey sluight Ghavid my harvaant, as ny Leviteyn my hirveishee.

Romanee 4:18

Quoi noi treishteil ren credjal ayns treishteil, dy voddagh eh cheet dy ve ayr ymmodee ashoonyn; cordail rish shen ny v’er ny loayrt, Shen myr vees dty luight.

Deuteronomy 1:10

Ta’n Chiarn nyn Yee er vishaghey shiu, as cur-my-ner, ta shiu yn laa jiu, myr rollageyn yn aer ayns earroo.

Deuteronomy 10:22

Hie dty ayraghyn sheese gys Egypt lesh three-feed as jeih persoonyn, as nish ta’n Chiarn dty Yee er dty vishaghey myr rollageyn yn aer ayns earroo.

Hebrewnee 11:12

Shen-y-fa hrog jeh un ayr, as eshyn chammah as marroo, whilleen as rollageyn yn aer ayns earroo, as myr y gheinnagh rish oirr ny marrey erskyn coontey.

Joshua 24:3

As ghow mee nyn ayr Abraham veih’n cheu elley jeh’n awin, as leeid mee eh trooid ooilley cheer Chanaan, as vishee mee yn sluight echey, as hug mee Isaac da.