Genesis 15:4 - Yn Vible Casherick 1775 1819

⁴ As cur-my-ner, haink goo yn Chiarn huggey, gra, Cha bee eh shoh dty eirey, agh eshyn hig veih dty veeghyn hene vees dty eirey.

Genesis 15:4 ပူးပေါင်းရင်းမြစ်များ

Genesis 15:1

Lurg ny reddyn shoh haink goo yn Chiarn gys Abram ayns Ashlish, gra, Ny bee aggle ort, Abram: mish dty endeilagh, as mooar erskyn towse vees dty leagh.

Genesis 17:16

As neem’s ee y vannaghey, as myrgeddin ver-ym dhyt mac jeeish: dy jarroo nee’m ee y vannaghey, as bee ish moir ashoonyn; hig reeaghyn dy phobble jeeish.

Genesis 21:12

As dooyrt Jee rish Abraham, Ny gow shoh rouyr gys dty chree, er coontey yn ghuilley, as er coontey dty inney-veyl: ayns dy chooilley nhee ta Sarah er ghra rhyt, jean lurg yn aigney eck: son ayns Isaac vees dty luight er ny enmys.

2 Samuel 16:11

As dooyrt David rish Abishai, as rish ooilley e harvaantyn, Cur-my-ner, ta my vac, haink magh veih my veeghyn, shegin er my vioys: foddey sloo eisht ta’n Benjamite shoh dy ve cronnit. Faag-jee veue eh, as lhig da gweeaghyn: son ta’n Chiarn er lhiggey da.

2 Samuel 7:12

As tra vees dty laghyn ec kione, as oo-hene cadley marish dt’ayraghyn, neem’s dty luight y hoiaghey seose dty yeï, hig magh ass dty veeghyn, as neem’s y reeriaght echeysyn y niartaghey.

2 Recortyssyn 32:21

As hug y Chiarn magh ainle ren stroie ooilley ny deiney niartal caggee, as ny leeideilee as ny captanyn, ayns camp ree Assyria: myr shen hyndaa eh reesht lesh nearey eddin gys e heer hene. As tra v’eh er jeet stiagh ayns thie e Yee, ren adsyn haink magh ass e veeghyn, y varroo eh ayns shen lesh y chliwe.

Galatianee 4:28

Nish ta shinyn, vraaraghyn, myr va Isaac, yn chloan dy ghialdynys.

Philemon 1:12

Eshyn ta mee er choyrt hood’s reesht: gow uss rishyn er-y-fa shen myr rish my chree hene.