Genesis 15:16 - Yn Vible Casherick 1775 1819

¹⁶ Agh ayns y chiarroo heeloghe hig ad gys shoh reesht: son cha vel mee-chraueeaght ny Amoriteyn foast er jeet gys yn yrjid.

Genesis 15:16 ပူးပေါင်းရင်းမြစ်များ

Genesis 10:16

As y Jebusite, as yn Amorite, as yn Girgasite,

Genesis 15:13

As dooyrt y Chiarn rish Abram, Toig son shickyrys, dy bee dty luight nyn yoarreeyn ayns cheer yoarree, dy bee ad ayns bondiaght, as fo seaghyn trome son kiare cheead bleïn.

Genesis 48:21

As dooyrt Israel rish Joseph, Cur-my-ner, ta my vaase er-gerrey: agh bee Jee mêriuish, as ver eh lesh shiu reesht gys cheer nyn ayraghyn.

Genesis 50:24

As dooyrt Joseph rish e vraaraghyn, Ta my vaase er-gerrey: as nee Jee son shickyrys jeeaghyn erriu, as ver eh lesh shiu ass y cheer shoh, gys y cheer yiall eh liorish breearrey da Abraham, da Isaac, as Jacob.

1 Reeaghyn 21:26

As ren eh gymmyrkey eh-hene feer dwoaiagh ayns geiyrt da jallooyn, cordail rish ooilley ny ren ny Amoriteyn, ad ren y Chiarn geiyrt magh kiongoyrt rish cloan Israel.

2 Reeaghyn 21:11

Er-yn-oyr dy vel Manasseh ree Yudah er n’yannoo ny peccaghyn eajee shoh, as er n’yannoo ny smessey na ooilley ny ren ny Amoriteyn va roish, as er hayrn Judah myrgeddin gys peccah lesh e yallooyn;

Psalmyn 105:43

As hug eh daue thalloo ny ashoonyn: as ghow ad laboraght y phobble son eiraght;

Exodus 12:40

Nish va joarreeaght chloan Israel ayns Egypt, kiare cheead as jeih bleeaney as feed.

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 13:4

Er y laa shoh haink shiu magh, ayns mee Abib.

Daniel 8:23

As ayns traa jerrinagh yn reeriaght oc, tra vees slane towse ny drogh-yantee jeant magh, nee ree dy eddin elgyssagh, as toiggal folliaghtyn, shassoo seose.

Leviticus 18:24

Ny jean-jee shiu hene neu-ghlen lesh veg jeh ny peccaghyn dwoaiagh shoh; son lesh lheid ny reddyn ta ny ashoonyn, ta mish er n’imman magh rhymbiu, er n’yannoo ad hene eajee ayns my hilley.

Deuteronomy 9:4

Ny smooinee ayns dty chree, erreish da’n Chiarn dty Yee v’er eebyrt ad magh royd, gra, Son my chairys hene ta’n Chiarn er choyrt lesh mee stiagh dy ghoaill possession jeh’n cheer shoh: agh son mee-chraueeaght ny ashoonyn shoh, ta’n Chiarn er nyn imman magh royd.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.

1 Thessalonianee 2:16

Lhiettal shin veih loayrt rish ny Ashoonyn-quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.