Genesis 15:12 - Yn Vible Casherick 1775 1819

¹² As mysh lhie ny greïney huitt cadley trome er Abram, as cur-my-ner, v’eh fo ashlish atchimagh dy ghorraghys mooar.

Genesis 15:12 ပူးပေါင်းရင်းမြစ်များ

Genesis 15:11

As tra haink ny eeanlee sheese er yn eill, ren Abram ad y agglaghey ersooyl.

Genesis 2:21

As hug y Chiarn Jee cadley trome dy huittym er Adam, as ren eh cadley: as ghow eh unnane jeh ny asnaghyn echey, as laanee eh seose yn eill ’syn ynnyd echey.

Genesis 28:11

As haghyr eh er boayl dy row, as duirree eh ayns shen fud-ny-hoie, er-yn-oyr dy row yn ghrian ny lhie: as ghow eh jeh claghyn yn ynnyd shen, as hug eh ad fo e chione, as lhie eh sheese ’syn ynnyd shen dy chadley.

Lioar Yob 33:15

Ayns dreamal, ayns ashlish ny hoie, tra ta cadley trome tuittym er deiney, ayns saveenagh er y lhiabbee,

Jannoo 20:9

As va dooinney aeg dy row, va enmyssit Eutychus, ny hoie ayns uinniag, as huitt eh ayns trome chadley: as myr va Paul foddey preacheil, hie eh harrish ayns e chadley, as huitt eh neose jeh’n trass lout, as v’eh er ny hroggal marroo.

1 Samuel 26:12

Myr shoh ghow David y shleiy as y saagh ushtey veih kione Saul; as chossyn ad roue gyn-yss, as cha vaik dooinney erbee ad, chamoo ren ad doostey: son v’ad ooilley nyn gadley, er-yn-oyr dy row cadley trome veih’n Chiarn er duittym orroo.