Genesis 14:7 - Yn Vible Casherick 1775 1819

⁷ As hyndaa ad, as haink ad gys En-mishpat, ta shen Kadesh, as stroie ad slane cheer ny Amalekiteyn, as myrgeddin ny Amoriteyn va cummal ayns Hazezon-tamar.

Genesis 14:7 ပူးပေါင်းရင်းမြစ်များ

Genesis 16:14

Shen-y-fa va’n chibbyr enmyssit Beer-lahai-roi; cur-my-ner te eddyr Kadesh as Bered.

Genesis 20:1

As ghow Abraham e yurnah veih shen lesh y cheer my-yiass, as ren eh cummal eddyr Kadesh as Shur, as v’eh er e yoarreeaght ayns Gerar.

Genesis 36:12

As va Timna co-lhiabbagh Eliphaz mac Esau; as dymmyrk ee da Eliphaz, Amalek: v’ad shoh mec da Adah, ben Esau.

Genesis 36:16

Duke Korah, duke Gatam, as duke Amalek: Ad shoh ny ard-leeideilee haink jeh Eliphaz, ayns thalloo Edom: v’ad shoh mec Adah.

2 Recortyssyn 20:2

Eisht ve er ny insh da Jehoshaphat, gra, Ta sheshaght vooar cheet dt’oï veih cheu elley jeh’n aarkey, cheu shoh dy Syria, as cur-my-ner, t’ad ayns Hazazon-tamar, ta shen En-gedi.

Ezekiel 47:10

As hig eh gy-kione, dy jean ny eeasteyryn taaghey huggey, veih En-gedi eer gys En-eglaim; bee ad shoh ynnydyn dy skeayley magh lieenteenyn, bee yn eeast oc rere nyn ghooie, myr eeast yn aarkey vooar, ymmodee ayns earroo.

Ezekiel 48:28

As rish cagliagh Ghad ec y lhiattee-jiass lesh y jiass, bee yn chagliagh eer veih Tamar gys ushtaghyn yn anvea ayns Kadesh, as gys yn awin, lesh yn aarkey vooar.

Earrooyn 13:26

As jimmee ad, as haink ad gys Moses, as gys Aaron, as gys ooilley sheshaght cloan Israel, gys faasagh Paran, gys Kadesh; as hug ad lhieu fys huc, as gys ooilley’n cheshaght, as yeeagh ad daue mess y cheer.

Earrooyn 14:43

Son ta ny Amalekiteyn, as ny Canaaniteyn ayns shen reue, as nee shiu tuittym liorish y chliwe; er-yn-oyr dy vel shiu er nyn jyndaa ersooyl veih’n Chiarn; shen-y-fa cha bee’n Chiarn mêriu.

Earrooyn 14:45

Eisht haink neose ny Amalekiteyn, as ny Canaaniteyn, cummaltee yn clieau shen, as ren ad y woalley ad, as ad nyn imman gys Hormah.

Earrooyn 20:1

Eisht haink cloan Israel, eer yn slane cheshaght, gys faasagh Zin, ’sy chied vee: as ren y pobble tannaghtyn ayns Kadesh; as hooar Miriam baase ayns shen, as shen y raad v’ee oanluckit.

Earrooyn 24:20

As tra yeeagh eh er Amalek, hie eh lesh e choraa-dorraghey, as dooyrt eh, Ta Amalek ayns toshiaght ny ashoonyn, agh bee’n jerrey echey, dy jean eh cherraghtyn son dy bragh.

Deuteronomy 1:19

As tra daag shin Horeb, hie shin trooid ooilley’n faasagh mooar as atchimagh shen, honnick shiu er raad cheer-ard ny Amoriteyn, myr hug y Chiarn nyn Yee sarey dooin: as haink shin gys Kadesh-barnea.

Deuteronomy 1:46

Er shoh, chum shiu ayns Kadesh ymmodee laghyn, cordail rish y traa va shiu ayn roïe.

Joshua 15:62

As Nibshan, as yn ard-valley sollanagh, as En-gedi; shey baljyn-mooarey, marish nyn maljyn-beggey.