Genesis 14:5 - Yn Vible Casherick 1775 1819

⁵ As ayns y chiarroo vleïn jeig haink Chedorlaomer, as ny reeaghyn va mârish, as woaill ad ny Rephaimee ayns Ashtaroth Karnaim, as ny Zuzimee ayns Ham, as ny Emimee ayns Shaveh Kiriathaim.

Genesis 14:5 ပူးပေါင်းရင်းမြစ်များ

Genesis 14:4

Daa vleïn jeig v’ad fo keesh gys Chedorlaomer, as ’sy tress vleïn yeig dirree ad magh n’oï.

Genesis 15:20

As ny Hittiteyn, as ny Perizziteyn, as ny Rephaimee,

2 Samuel 23:13

As hie three jeh ny ard-chaptanyn jeh ny jeih as feed dy gheiney reiht sheese, as haink ad gys David ayns imbagh yn ouyr gys ooig Adullam: as ren sheshaght ny Philistinee campal ayns coan Rephaim.

2 Samuel 5:18

Haink ny Philistinee myrgeddin, as skeayl ad ad-hene ayns coan Rephaim.

2 Samuel 5:22

As haink ny Philistinee seose reesht, as skeayl ad ad-hene ayns coan Rephaim.

1 Recortyssyn 11:15

Nish, hie three jeh ny jeih captanyn as feed sheese gys y charrick raad va David, ayns ooig Adullam, as ghow sheshaght-caggee ny Philistinee yn magher ayns coan Rephaim.

1 Recortyssyn 14:9

As haink ny Philistinee, as skeayl ad ad-hene ayns coan Rephaim.

1 Recortyssyn 4:40

As hooar ad pastyr menoyr as mie, as va’n cheer lhean, as sauchey, as sheeoil: son va cloan Ham er vaghey ayns shen ry-foddey dy hraa.

Psalmyn 105:23

Haink Israel myrgeddin gys Egypt: as va Jacob ny yoarree ayns cheer Ham.

Psalmyn 105:27

As hoilshee ad shoh e chowraghyn ny mast’ oc: as yindyssyn ayns cheer Ham.

Psalmyn 106:22

Obbraghyn yindyssagh ayns cheer Ham: as reddyn atchimagh ec y Faarkey Jiarg.

Psalmyn 78:51

Hug eh raad da e elgys, as cha ren eh yn annym oc y haghney veih baase: agh livrey eh seose yn vioys oc gys y chramp;

Isaiah 17:5

As shen myr vees eh, myr tra ta beaynee chaglym yn arroo, as buinn ny jeeassyn lesh e laue; as bee eh goll-rishyn ta jeeassyragh ayns coan Rephaim.

Jeremiah 48:1

Noi Moab myr shoh ta Chiarn ny flaunyssee, Jee Israel, dy ghra, Smerg da Nebo! son te spooillit; ta Kiriathaim mow as goit; ta Misgab fo seaghyn as atchim,

Jeremiah 48:23

As er Kiriathaim, as er Beth-gamul, as er Beth-meon,

Earrooyn 32:37

As hrog cloan Reuben Heshbon, as Elealeh, as Kirjathaim,

Deuteronomy 1:4

Erreish da ver stroie Sihon ree ny Amoriteyn, va e chummal ayns Heshbon, as Og ree Vashan, va e chummal ec Ashtaroth ayns Edrei.

Deuteronomy 3:11

Son cha row agh Og ree Vashan er-mayrn jeh sluight ny foawir; cur-my-ner, va e sthoc-lhiabbagh, sthoc-lhiabbagh yiarn: nagh vel eh ayns Rabbath jeh cloan Ammon? va’n lhiurid echey nuy cubityn, as e lheead kiare cubityn, lurg cubit dooinney.

Deuteronomy 3:13

As y chooid elley jeh Gilead, as ooilley Bashan, va reeriaght Og, hug mee da lieh-tribe Vanasseh; ooilley cheer Argob, lesh slane Bashan, va enmyssit cheer ny foawir.

Deuteronomy 3:20

Derrey ver y Chiarn shee da nyn mraaraghyn, chammah as diuish, as derrey yiow adsyn myrgeddin cummallyn ayns y cheer, ta’n Chiarn nyn Yee er choyrt daue cheu elley dy Yordan: as eisht nee dy chooilley ghooinney jiu chyndaa gys e eiraght, ta mee er choyrt diu.

Deuteronomy 3:22

Ny gow-jee aggle roue: son nee’n Chiarn y Jee eu caggey er nyn son.

Joshua 12:4

As ard Og ree Vashan, va jeh sluight ny foawir, va goaill ec Ashtaroth, as ec Edrei,

Joshua 13:12

Ooilley reeriaght Og ayns Bashan, va reill ayns Ashtaroth as ayns Edrei, ooilley ny va er-mayrn jeh sluight ny foawir: son ad shoh ren Moses bwoalley, as geiyrt magh.

Joshua 13:19

As Kirjathaim, as Sibmah, as Zareth-shahar, ayns cronk ny glionney,

Joshua 13:31

As va lieh Ghilead, as Ashtaroth, as Edrei, baljyn reeriaght Og ayns Bashan, er ny choyrt da cloan Vachir mac Vanasseh, ta shen, da’n derrey lieh jeh cloan Vachir rere nyn gynneeyn.

Joshua 9:10

As ooilley ny ren eh rish daa ree ny Amoriteyn, va cheu elley dy Yordan, rish Sihon ree Heshbon, as rish Og ree Vashan, va cummal ayns Ashtaroth.