Genesis 14:2 - Yn Vible Casherick 1775 1819

² Dy ren ny reeaghyn shoh caggey noi Bera ree Sodom, as noi Birsha ree Gomorrah, noi Shinab ree Admah, as Shemeber ree Zeboiim, as noi ree Bela, ta shen Zoar.

Genesis 14:2 ပူးပေါင်းရင်းမြစ်များ

Genesis 10:19

As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah.

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Genesis 13:12

Ren Abram cummal ayns cheer Chanaan, as ren Lot cummal ayns ard-valjyn yn strah, as hoie eh e chabbane lesh Sodom.

Nehemiah 11:34

Hadid, Zeboim, Neballat,

Isaiah 15:5

Nee my chree dobberan son Moab; nee ny scapailtee echey chea gys Zoar, myr colbagh three bleeaney: son lesh keayney hed ad seose lesh ughtagh Luhith; son ayns raad Horonaim troggee ad eam traartys.

Jeremiah 48:34

Veih yllaghey Heshbon gys Elealeh, as eer gys Jahaz, t’ad er choyrt magh nyn goraa; veih Zoar eer gys Horonaim, myr colbagh three-bleeaney; son nee ushtaghyn Nimrim neesht failleil.

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Deuteronomy 29:23

As dy vel ooilley’n thalloo echey, brimstone, as sollan, as lostey: nagh vel eh cuirt, ny gymmyrkey mess, ny veg y faiyr gaase ayn, casley rish toyrt-mow Sodom, as Gomorrah, Admah, as Zeboim, ta’n Chiarn er stroie ayns e chorree, as e yymmoose:

Deuteronomy 34:3

As y jiass, as strah coan Yericho, ard-valley ny biljyn-palm, choud’s Zoar.

1 Samuel 13:18

As ghow sheshaght elley yn raad gys Beth-horon: as sheshaght elley raad ny ardjyn lesh coan Zeboim gys yn aasagh.