Genesis 14:12 - Yn Vible Casherick 1775 1819

¹² As ghow ad Lot mac braarey Abram (va cummal ayns Sodom) as e chooid, as jimmee ad roue.

Genesis 14:12 ပူးပေါင်းရင်းမြစ်များ

Genesis 11:27

Nish ad shoh sheelogheyn Terah: hooar Terah Abram, Nahor, as Haran: As hooar Haran Lot.

Genesis 11:31

As ghow Terah Abram e vac, as Lot mac Haran, yn oe echey, as Sarai e inneen ’sy leigh, ben e vac Abram; as hie ad magh veih Ur jeh ny Chaldeanee, dy gholl gys cheer Chanaan; as haink ad gys Haran, as ren ad cummal ayns shen.

Genesis 12:5

As ghow Abram Sarai e ven, as Lot mac e vraarey, as ooilley yn chooid v’ad er jymsaghey, as y chloan v’eh er gheddyn ayns Haran: as hrog ad orroo dy gholl gys cheer Chanaan, as gys cheer Chanaan haink ad.

Genesis 14:11

As ghow ad ayns spooilley ooilley yn chooid va ayns Sodom as Gomorrah, as ooilley yn beaghey v’ayn, as jimmee ad rhymboo.

Genesis 14:14

As tra cheayll Abram dy row e vraar goit ny phryssoonagh, choamree eh lesh armyn e Harvaantyn chaggee v’er nyn ruggey ayns e hie hene, three cheead as hoght-jeig, as hie ad er nyn eiyrt’s choud as Dan.

Genesis 14:16

As hug eh lesh back ooilley yn chooid, as myrgeddin hug eh lesh e vraar Lot, as e chooid, as myrgeddin ny mraane, as y pobble.

Lioar Yob 9:23

My ta’n chragh stroie doaltattym, cha vel eh agh soiaghey beg jeh surranse yn vooinjer ôney.

Earrooyn 16:26

As loayr eh rish y cheshaght gra, Scugh-jee, ta mee guee erriu, veih cabbaneyn ny deiney mee-chrauee shoh, as ny benn-jee rish veg dy vel lhieu, nagh bee shiu er nyn stroie ayns ooilley ny peccaghyn oc.

Ashlish 18:4

As cheayll mee coraa elley veih niau, gra, Tar-jee magh ass-jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.