10 As va coan Siddim lane sloghyn laaghey; as reeaghyn Sodom as Gomorrah hug ad cooyl, as huitt ad ayndoo: as adsyn ren scapail chossyn ad roue gys ny sleityn.
As dooyrt ad ry-cheilley, Tar-jee, lhig dooin breekyn y yannoo, as slane lostey ad: As va breekyn oc ayns ynnyd claghyn, as va pick-hallooin oc son mortar.
As haink eh gy-kione, tra v’ad er choyrt lhieu ad magh, dy dooyrt eh, Cosne ersooyl son dty vioys; ny jeeagh dty yeï; chamoo jean cumrail raad erbee ’sy thalloo-rea; cosne gys y clieau, er-aggle dy bee oo er dty choyrt mow.
As hie Lot roish veih Zoar, as ren eh cummal ayns y clieau, as e ghaa inneen mârish: son va aggle er dy uirriaght ayns Zoar; as ren eh baghey ayns ooig, eh hene as e ghaa inneen.
As hig eh gy-kione, dy jean eshyn ta chea veih feiyr yn aggle tuittym ’syn ooig; as dy bee eshyn chosnys seose ass yn ooig goit ayns y ribbey: son ta uinniagyn yn yrjey foshlit, as ta undinyn y thallooin er-creau.
Eshyn chea-ys veih yn aggle, tuittee eh ’syn oaie; as eshyn scaapys yn oaie, bee eh goit ’sy ribbey: son ver-yms lhiam er, eer er Moab, bleïn yn cherraghey oc, ta’n Chiarn dy ghra.
As haink eh gy-kione tra va Israel erreish stroie ooilley cummaltee Ai, ’sy vagher, ’syn aasagh raad v’ad er n’eiyrt ad, as tra v’ad ooilley er duittym lesh foyr y chliwe, derrey v’ad ooilley er nyn stroie, dy ren ooilley ny Israeliteyn chyndaa gys Ai, as woaill ad eh lesh foyr y chliwe.