Genesis 14:1 - Yn Vible Casherick 1775 1819

¹ As haink eh gy-kione, rish lhing Amraphel ree Shinar, Arioch ree Ellasar, Chedorlaomer ree Elam, as Tidal ree ashoonee.

Genesis 14:1 ပူးပေါင်းရင်းမြစ်များ

Genesis 10:10

As va toshiaght e reiltys ayns Babel, as Erech, as Accad, as Calneh, ayns cheer Shinar.

Genesis 10:22

Cloan Shem; Elam, as Ashur, as Arphaxad, as Lud, as Aram.

Genesis 11:2

As haink eh gy-kione, myr ghow ad nyn yurnah lesh y shiar, dy daink ad gys cheer rea ayns thalloo Shinar; as ayns shen ren ad cummal.

Genesis 14:9

Ta shen, rish Chedorlaomer ree Elam, as noi Tidal ree ashoonee, as Amraphel ree Shinar, as Arioch ree Ellasar; kiare reeaghyn noi queig.

Isaiah 11:11

As hig eh gy-kione ayns y laa shen, dy jean y Chiarn soiaghey e laue yn nah cheayrt dy chosney sluight e phobble vees faagit, veih Assyria, as veih Egypt, as veih Pathros, as veih Cush, as veih Elam, as veih Shinar, as veih Hamath, as veih ellanyn yn aarkey.

Isaiah 21:2

Ta ashlish feiyjagh er ny hoilshaghey dou; Ta’n molteyr hene er ny volley, as ta’n spooilleyder er ny spooilley. Seose lhiat, O Elam: chion stiagh [Babylon], O Vedia: ooilley ny osnaghyn v’eck by-chyndagh roo ta mee er chur dy fea.

Isaiah 22:6

As dymmyrk Elam yn bolg-side marish fainee dy gheiney as dy varkee, as ren Kir yn shleiy y roostey.

Isaiah 37:12

Vel jeeghyn ny ashoonyn er livrey adsyn ta my ayraghyn er stroie, myr Gozan, as Haran, as Rezeph, as cloan Eden v’ayns Telassar?

Jeremiah 25:25

As ooilley reeaghyn Zimri, as ooilley reeaghyn Elam, as ooilley reeaghyn ny Medeyn,

Ezekiel 32:24

Shen y raad ta Elam, as ooilley yn ymmodee pobble ecksh, cruin mygeayrt yn oaie, ooilley stroit, er duittym liorish y chliwe, t’adsyn er n’gholl sheese nyn jymmyltee gys ny ardjyn dowin fo halloo, adsyn ren atchim y skeayley fud cheer ny bioee, foast t’ad er n’ghoaill nyn gronney dy naareydagh mâroosyn ta goll sheese gys yn oaie.

Daniel 1:2

As hug y Chiarn Jehoiakim ree Yudah fo’n laue echey, marish paart jeh siyn casherick thie Yee ad shoh hug eh lesh gys cheer Shinar, gys thie e Yee, as hug eh ny siyn ayns thie-tashtee e Yee.

Daniel 8:2

As honnick mee ayns ashlish (as haink eh gy-kione, myr honnick mee, dy row mee ec Shushan ayns y phlaase, ta ayns cheer Elam) as er-lhiam pene ’syn ashlish, dy row mee liorish awin Ulai.

Zechariah 5:11

As dooyrt eh rhym, Dy hroggal thie er y hon ayns cheer Shinar: as bee eh er ny hroggal as soit ayns shen, er yn undin eck hene.

Joshua 12:23

Ree Dor ayns slyst Dor, unnane; ree ashoonyn Ghilgal, unnane;