Genesis 13:9 - Yn Vible Casherick 1775 1819

⁹ Nagh vel y slane cheer kiongoyrt rhyt? jean oo hene y scarrey, ta mee guee ort, voym’s: my nee uss goll gys y laue chiare, eisht hem’s lesh y laue yesh; er-nonney my hed uss gys y laue yesh, eisht hem’s lesh y laue chiare.

Genesis 13:9 ပူးပေါင်းရင်းမြစ်များ

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Genesis 13:8

As dooyrt Abram rish Lot, Ny lhig da streeu erbee ta mee guee ort, ve eddyr mish as uss, as eddyr ny bochillyn aym’s as ny bochillyn ayd’s, son braaraghyn shin.

Genesis 20:15

As dooyrt Abimelech, Cur-my-ner, ta’n cheer aym’s kiongoyrt rhyt; gow dty chummal raad sailt.

Genesis 34:10

As nee shiu cummal mârin, as bee yn cheer eddyr shin: jean-jee baghey as dellal ayn, as gow-jee cummallyn diu hene.

Jeremiah 40:4

As nish, cur-my-ner, ta mee dy dty eaysley jiu veih ny geulaghyn ta er dty laueyn. My s’taittin lhiat goll mârym gys Babylon, tar royd, as bee’m dooie rhyt; agh mannagh by-haittin lhiat goll mârym gys Babylon, jean dty aigney hene: cur-my-ner, ta ooilley yn cheer shoh royd: raad erbee dy vaik oo mie as jesh dhyt hene, gow dty chummal ayns shen.

Romanee 12:18

My oddys eh ve, wheesh as t’ayns nyn booar, jean-jee baghey ayns shee rish dy chooilley ghooinney.

1 Corinthianee 6:7

Nish er-yn-oyr shen ta son shickyrys foill nyn mast’ eu, dy vel shiu goll gys y leigh ry-cheilley: nagh bare diu goaill aggair? nagh bare diu surranse molteyraght?

Hebrewnee 12:14

Eiyr-jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.