Genesis 13:18 - Yn Vible Casherick 1775 1819

¹⁸ Eisht ren Abram e chabbane y scughey, as haink eh, as ren eh cummal ayns cheer rea Mamre, ta ayns Hebron, As ayns shen hrog eh altar gys y Chiarn.

Genesis 13:18 ပူးပေါင်းရင်းမြစ်များ

Genesis 13:4

Gys yn ynnyd raad v’eh er droggal altar ec y toshiaght: as ayns shen ren Abram geamagh er ennym y Chiarn.

Genesis 14:13

As haink fer jeusyn v’er roie er-chea, as dinsh eh shoh da Abram yn Hebrew; son v’eh cummal ayns strah Mamre yn Amorite, braar Eshcol, as braar Aner: v’ad shoh er n’yannoo cordail rish Abram.

Genesis 18:1

As ren y Chiarn eh hene y hoilshaghey da ayns cheer rea Mamre: as v’eh ny hoie ayns dorrys y chabbane, ayns chiass y laa.

Genesis 22:9

As haink ad gys y voayl va Jee er hoilshaghey da, as hrog Abraham altar ayns shen, as chiartee eh yn fuygh, as chiangle eh Isaac e vac, as hug eh ny lhie eh er y fuygh v’er yn altar.

Genesis 23:2

As hooar Sarah baase ayns Kirjath-arba; ta shen Hebron, ayns cheer Chanaan: as haink Abraham dy ghobberan, as dy cheayney son Sarah.

Genesis 26:25

As hrog eh altar ayns shen, as deïe eh er ennym y Chiarn, as hoie eh e chabbane ayns shen; as shen y raad ren sharvaantyn Isaac chibbyr y chleiy.

Genesis 35:27

As haink Jacob gys Isaac e ayr gys Mamre, gys ard-valley Arbah [ta shen Hebron] raad va Abraham as Isaac cummal.

Genesis 37:14

As dooyrt eh rish, Immee, ta mee guee ort, jeeagh vel ooilley dy mie marish dty vraaraghyn, as marish ny shioltaneyn; as cur lhiat fys hym’s reesht: Myr shen hug eh magh eh trooid coan Hebron, as haink eh gys Shechem.

Genesis 8:20

As hrog Noah altar da’n Chiarn, as ghow eh jeh dagh baagh glen, as jeh dagh eean glen, as heb eh ourallyn-losht er yn altar.

2 Samuel 2:1

As haink eh gy-kione lurg shoh, dy ren David briaght jeh’n Chiarn, gra, Jem seose gys veg jeh ard-valjyn Yudah? As dooyrt y Chiarn rish, Gow seose. As dooyrt David, Quoi jeh ny ard-valjyn? As dooyrt eh, Gys Hebron.

Psalmyn 16:8

Ver-yms booise da’n Chiarn son raaue y choyrt dou: ta my veeghyn neesht dy my choyrlaghey er imbagh ny hoie.

Earrooyn 13:22

As hie ad seose my-yiass, as haink ad gys Hebron; raad va Ahiman, Sheshai, as Talmai mec Anak (nish va Hebron troggit shiaght bleeaney roish Zoan ayns Egypt.)

1 Timothy 2:8

Saillym er-y-fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee-hreishteil:

Hebrewnee 11:9

Liorish credjue v’eh ny hroailtagh ayns cheer y ghialdynys, myr ayns cheer yoarree, cummal ayns cabbaneyn marish Isaac as Jacob, co-eiraghyn mârishyn ’sy ghialdynys cheddin.

Joshua 14:13

As ren Joshua eh y vannaghey, as hug eh da Caleb mac Jephunneh, Hebron, son eiraght.

Joshua 15:13

As da Caleb mac Jephunneh hug eh ayrn mastey cloan Yudah, cordail rish sarey’n Chiarn da Joshua, eer ard-valley Arba ayr Anak, ta shen Hebron.