Genesis 13:16 - Yn Vible Casherick 1775 1819

¹⁶ As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 13:16 ပူးပေါင်းရင်းမြစ်များ

Genesis 15:5

As hug eh lesh eh magh (’sy vagher) as dooyrt eh rish, jeeagh nish seose ’syn aer, as gow earroo ny rollageyn, my oddys oo ad y choontey: as dooyrt eh rish, Myr shen vees dty luight.

Genesis 16:10

As dooyrt ainle y Chiarn r’ee, Neem’s bishaghey dty luight erskyn towse, nagh vod ad v’er nyn goontey son yn earroo oc.

Genesis 17:16

As neem’s ee y vannaghey, as myrgeddin ver-ym dhyt mac jeeish: dy jarroo nee’m ee y vannaghey, as bee ish moir ashoonyn; hig reeaghyn dy phobble jeeish.

Genesis 17:2

As nee’m my chonaant y yannoo eddyr mish as uss, as bishaghey oo erskyn towse.

Genesis 17:20

As mychione Ishmael, ta mee er dty chlashtyn: cur-my-ner, ta mee er vannaghey eh, as nee’m eh messoil, as nee’m bishaghey eh erskyn towse: daa phrince jeig nee eh y gheddyn, as neem’s eh ny ashoon mooar.

Genesis 17:6

As ver-ym ort dy ve erskyn-towse messoil, as neem’s ashoonyn jeed as hig reeaghyn jeh dty luight.

Genesis 18:18

Fakin dy jig Abraham dy shickyr dy ve ny ashoon mooar as niartal, as dy bee ooilley ashoonyn y theihll er nyn mannaghey aynsyn.

Genesis 21:13

As myrgeddin, veih mac yn inney-veyl trog-yms seose ashoon mooar, er-y-fa dy nee dty luight’s eh.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 26:4

As ver-yms er dty luight dy vishaghey myr rollageyn yn aer, as ver-ym da dty luight ooilley ny cheeraghyn shoh; as ayns dty luight vees ooilley ashoonyn y theihll er nyn mannaghey:

Genesis 28:14

As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 32:12

As dooyrt uss, Neem’s son shickyrys foayr y hoilshaghey dhyt, as jannoo dty luight myr genniagh y traie, nagh vod ve er ny earroo.

Genesis 32:13

As ghow eh aaght ayns shen yn oie cheddin, as ghow eh jeh shen, ny va fo e laue, gioot son Esau e vraar.

Genesis 35:11

As dooyrt Jee rish, Mish y Jee ooilley-niartal: bee uss messoil as jean bishaghey; bee ashoon as earroo dy ashoonyn jeed’s, as hig reeaghyn veih dty veeghyn.

Genesis 46:3

As dooyrt eh, Mish Jee, Jee dty ayrey: ny bee aggle ort dy gholl sheese gys Egypt; son neem’s jeed’s ayns shen ashoon mooar.

1 Reeaghyn 3:8

As ta dty harvaant ayns mean dty phobble t’ou er reih; pobble mooar nagh vod ve er nyn earroo, ny coontit, t’ad whilleen.

1 Reeaghyn 4:20

Va Judah as Israel ymmodee, myr genniagh ny marrey ayns earroo, gee as giu, as jannoo gien mie.

2 Reeaghyn 13:23

As va’n Chiarn graysoil daue, as chymmoil orroo, er coontey e chonaant rish Abraham, Isaac, as Jacob, as cha jinnagh eh ad y stroie, chamoo ad y scarrey foast veih e enish.

1 Recortyssyn 21:5

As hug Joab stiagh slane coontey’n phobble da David. As ooilley adsyn jeh Israel v’ad, milley as keead thousane dy gheiney va son tayrn y cliwe: as va Judah kiare cheead three-feed as jeih thousaneyn, va son tayrn y cliwe.

1 Recortyssyn 27:23

Agh cha ghow David yn earroo oc veih feed bleïn dy eash as fo: er-yn-oyr dy row’n Chiarn er ghra, dy jinnagh eh Israel y vishaghey myr rollageyn yn aer.

2 Recortyssyn 1:9

Nish, O Hiarn Yee, lhig da dty yialdinys da David m’ayr ve er ny chooilleeney: son t’ou er n’yannoo mish my ree harrish pobble, myr joan ny hooirey ayns earroo.

Lioar Yob 5:25

Nee oo toiggal myrgeddin dy bee dty chloan mooarane, as dty luight myr faiyr y thallooin.

Exodus 1:7

As va cloan Israel sluightoil, as ren ad bishaghey dy mooar, as daase ad ayns earroo, as haink ad dy ve erskyn-towse pooaral: as lhieen ad y cheer.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Jeremiah 33:22

Myr nagh vod earroo ve goit jeh rollageyn yn aer, ny genniagh ny marrey ve towshit; myr shen neem’s bishaghey sluight Ghavid my harvaant, as ny Leviteyn my hirveishee.

Earrooyn 23:10

Quoi oddys coontey joan Yacob, as earroo yn chiarroo ayrn jeh Israel? Lhig dooys baase y dooinney cairagh y gheddyn, as lhig da jerrey my vea ve casley rish yn jerrey echeysyn.

Deuteronomy 1:10

Ta’n Chiarn nyn Yee er vishaghey shiu, as cur-my-ner, ta shiu yn laa jiu, myr rollageyn yn aer ayns earroo.

Hebrewnee 11:12

Shen-y-fa hrog jeh un ayr, as eshyn chammah as marroo, whilleen as rollageyn yn aer ayns earroo, as myr y gheinnagh rish oirr ny marrey erskyn coontey.

Ashlish 7:9

Lurg shoh yeeagh mee, as cur-my-ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl-reeoil, as kiongoyrt rish yn Eayn, ayns coamraghyn gial, as banglaneyn dy villey-palm ayns nyn laueyn:

Briwnyn 6:3

As shen myr ve, tra va Israel er chuirr, dy daink ny Midianiteyn seose, marish ny Amalekiteyn, as cloan y shiar, noi oc;

Briwnyn 6:5

Son haink ad seose lesh nyn maase as nyn gabbaneyn, as haink ad myr locustyn ayns earroo, son va chammah ad-hene as ny camelyn oc erskyn coontey: as haink ad stiagh ayns y cheer dy chur mow eh.