Genesis 13:14 - Yn Vible Casherick 1775 1819

¹⁴ As dooyrt y Chiarn rish Abram, lurg da Lot v’er ny scarrey veih; Trog nish seose dty hooillyn, as jeeagh veih yn ynnyd t’ou ayn, my-hwoaie, as my-yiass, as lesh y shiar, as lesh y sheear.

Genesis 13:14 ပူးပေါင်းရင်းမြစ်များ

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Genesis 28:14

As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.

Isaiah 49:18

Trog seose dty hooillyn mygeayrt-y-mood, as cur-my-ner: t’ad shoh ooilley chaglym ad-hene cooidjagh, as cheet hood’s. Myr ta mee bio, ta’n Chiarn dy ghra, nee oo son shickyrys oo hene y hoiaghey magh lhieu shoh ooilley myr lesh coamrey aalin, as ver oo mood ad myr ta ben-phoosee dy yannoo.

Isaiah 60:4

Trog seose dty hooillyn, as jeeagh mygeayrt-y-mood: t’ad ooilley chaglym ad-hene dy cheilley, t’ad chionney stiagh hood’s: hig dty vec veih foddey, as bee dty inneenyn er nyn moandyrys ry dty lhiattee.

Deuteronomy 3:27

Fow seose gys mullagh Phisgah, as trog seose dty hooillyn lesh y sheear, as lesh y twoaie, as lesh y jiass, as lesh y shiar, as cronnee eh lesh dty hooillyn: son cha jed oo harrish yn Jordan shoh.

Deuteronomy 34:1

As hie Moses seose veih cheer-rea Voab, gys slieau Nebo, gys mullagh Pisgah, ta er-gerrey da Jericho: as yeeagh y Chiarn da ooilley cheer Ghilead, choud as Dan.