Genesis 12:9 - Yn Vible Casherick 1775 1819

⁹ As ghow Abram e yurnah, goll er e hoshiaght my-yiass.

Genesis 12:9 ပူးပေါင်းရင်းမြစ်များ

Genesis 13:1

As jimmee Abram magh ass Egypt, eh hene, as e ven, as ooilley ny va echey, as Lot mârish, lesh y jiass.

Genesis 13:3

As hie eh er e yurnah veih yn jiass, eer gys Beth-el, gys yn ynnyd raad va e chabbane ec y toshiaght, eddyr Beth-el as Hai.

Genesis 20:1

As ghow Abraham e yurnah veih shen lesh y cheer my-yiass, as ren eh cummal eddyr Kadesh as Shur, as v’eh er e yoarreeaght ayns Gerar.

Genesis 20:13

As haink eh gy-kione, tra hug Jee mee magh dy hroailt veih thie my ayrey, dy dooyrt mee r’ee, Shoh dty chenjallys nee oo y hoilshaghey dooys; Raad erbee dy jem mayd, abbyr my-mychione, She my vraar eh.

Genesis 24:62

As haink Isaac veih raad chibbyr Lahai-roi, son v’eh cummal ayns y cheer my-yiass.

Psalmyn 105:13

Tra v’ad scughey veih ashoon gys ashoon: veih un reeriaght gys pobble elley;

Isaiah 30:6

Errey maase y jiass: as ver ad lhieu nyn merchys er geayltyn assylyn aegey gys cheer dy heaghyn as angaish, as nyn dashtaghyn er droynyn camelyn gys pobble jeh beggan foays daue, veih shen ta cheet yn lion aeg as shenn, yn cretoor nieunagh, as yn ard-nieu aileagh skianagh.

Earrooyn 13:17

As hug Moses ad magh dy scrial dy follit cheer Chanaan, as dooyrt eh roo, Immee-jee seose yn raad shoh my-yiass; as gow-jee seose raad y clieau:

Deuteronomy 1:7

Chyndaa-jee, as gow-jee nyn yurnah, as immee-jee, gys cheer-ard ny Amoriteyn, as gys ooilley ny ynnydyn t’er-gerrey da, ’sy thalloo-rea, ayns ny croink, as ’sy choan, as ayns y jiass, as rish oirr ny marrey, gys cheer ny Canaaniteyn, as gys Lebanon, gys yn awin mooar shen, awin Euphrates.