Genesis 12:2 - Yn Vible Casherick 1775 1819

² As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 12:2 ပူးပေါင်းရင်းမြစ်များ

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 15:5

As hug eh lesh eh magh (’sy vagher) as dooyrt eh rish, jeeagh nish seose ’syn aer, as gow earroo ny rollageyn, my oddys oo ad y choontey: as dooyrt eh rish, Myr shen vees dty luight.

Genesis 17:20

As mychione Ishmael, ta mee er dty chlashtyn: cur-my-ner, ta mee er vannaghey eh, as nee’m eh messoil, as nee’m bishaghey eh erskyn towse: daa phrince jeig nee eh y gheddyn, as neem’s eh ny ashoon mooar.

Genesis 18:18

Fakin dy jig Abraham dy shickyr dy ve ny ashoon mooar as niartal, as dy bee ooilley ashoonyn y theihll er nyn mannaghey aynsyn.

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Genesis 19:29

As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.

Genesis 24:1

As va Abraham shenn, as er roie dy mie ayns eash: as va’n Chiarn er vannaghey Abraham ayns dy chooilley nhee.

Genesis 24:35

As ta’n Chiarn dy mooar er vannaghey my vainshtyr; as t’eh er jeet dy ve pooaral: as t’eh er choyrt da shioltaneyn, as shellooyn, as argid, as airh, fir-vooinjerey, as sharvaantyn, camelyn, as assylyn.

Genesis 25:11

As haink eh gy-kione lurg baase Abraham, dy ren Jee bannaghey Isaac e vac, as ren Isaac cummal liorish chibbyr Lahai-roi.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

Genesis 26:4

As ver-yms er dty luight dy vishaghey myr rollageyn yn aer, as ver-ym da dty luight ooilley ny cheeraghyn shoh; as ayns dty luight vees ooilley ashoonyn y theihll er nyn mannaghey:

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

Genesis 28:14

As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.

Genesis 35:11

As dooyrt Jee rish, Mish y Jee ooilley-niartal: bee uss messoil as jean bishaghey; bee ashoon as earroo dy ashoonyn jeed’s, as hig reeaghyn veih dty veeghyn.

Genesis 46:3

As dooyrt eh, Mish Jee, Jee dty ayrey: ny bee aggle ort dy gholl sheese gys Egypt; son neem’s jeed’s ayns shen ashoon mooar.

2 Samuel 7:9

As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

1 Reeaghyn 1:47

As marish shen, haink sharvaantyn y ree dy vannaghey nyn jiarn ree David, gra, Dy jean Jee ennym Solomon ny s’ooasle na dty ennym’s, as dy jean eh yn stoyl-reeoil echeysyn ny s’troshey na’n stoyl-reeoil ayd’s: as chroym y ree eh hene er y lhiabbee, ooashlaghey.

Lioar Yob 35:8

Foddee dt’olkys jannoo aggair da dooinney myr t’ou hene, as foddee dty chairys ve vondeishagh da mac dooinney.

Psalmyn 107:38

T’eh dy nyn mannaghey ad, dy vel ad bishaghey erskyn towse: as cha vel eh surranse da’n maase oc dy ve ny sloo ayns earroo.

Exodus 1:7

As va cloan Israel sluightoil, as ren ad bishaghey dy mooar, as daase ad ayns earroo, as haink ad dy ve erskyn-towse pooaral: as lhieen ad y cheer.

Exodus 32:10

Shen-y-fa nish, faag mee, dy vod my yymmoose brishey magh nyn ’oï, as dy voddym ad y stroie; as neem’s jeed’s ashoon mooar.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Ezekiel 34:26

As ver-ym orroo hene as ny ynnydyn mygeayrt my chronk dy ve ny vannaght; as ver-ym er y frass dy heet sheese ayns e imbagh cooie: ayns shen vees frassyn dy vannaght.

Micah 7:20

Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.

Zechariah 8:13

As hig eh gy-kione, myr va shiu mollaght mastey ny ashoonee, O hie Yudah, as hie Israel; myr shen nee’m shiuish y hauail, as bee shiu son bannaght: ny bee aggle erriu, agh lhig da ny laueyn eu ve lajer.

Earrooyn 14:12

Nee’m ad y woalley lesh y chramp, as ad y stroie, as nee’m jeed’s ashoon smoo, as ny s’pooaral na adsyn.

Earrooyn 22:12

As dooyrt Jee rish Balaam, Cha jed oo mâroo, cha der oo mollaght er y pobble: son t’ad bannit.

Earrooyn 23:20

Cur-my-ner, ta mee er my harey dy vannaghey; as t’eh er vannaghey, as cha voddym’s caghlaa eh.

Romanee 4:11

As hooar eh yn cowrey dy ghiarey-chymmylt, myr seal jeh cairys y chredjue va echey roish hie giarey-chymmylt er; dy voddagh eh ve yn ayr ocsyn ooilley ta credjal, ga nagh vel ad er nyn ghiarey-chymmylt; dy voddagh cairys ve er ny choyrt gys y lieh ocsyn myrgeddin:

Galatianee 3:14

Dy voddagh bannaght Abraham cheet er ny Ashoonee trooid Yeesey Creest; dy voddagh shin gialdyn yn Spyrryd y chosney trooid credjue.

Galatianee 3:7

Lhig da fys ve eu er-y-fa shen, adsyn ta jeh credjue, t’ad shen myrgeddin cloan Abraham.

Deuteronomy 26:5

As nee oo loayrt, as gra fenish y Chiarn dty Yee, Syrian, ayns gaue baaish, va m’ ayr, as hie eh sheese gys Egypt, as chum eh er e yoarreeaght ayns shen, lesh beggan ayns earroo, as haink eh dy ve ashoon mooar, niartal, as ymmodee.