Genesis 12:18 - Yn Vible Casherick 1775 1819

¹⁸ As deïe Pharaoh er Abram as dooyrt eh, Cre shoh t’ou er n’yannoo rhym? cre’n-fa nagh dinsh oo dou dy nee dty ven v’ee?

Genesis 12:18 ပူးပေါင်းရင်းမြစ်များ

Genesis 12:19

Cre’n-fa dooyrt oo, My huyr ee? myr shen oddin ver n’ghoaill ee son my ven hene: nish er-y-fa shen, cur-my-ner dty ven, gow ee, as fow royd.

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 29:25

As haink eh gy-kione, ’sy voghrey, cur-my-ner, dy nee Leah v’ayn: as dooyrt eh rish Laban, Cre shoh t’ou er n’yannoo rhym? nagh nee son Rachel hirveish mee oo? cre’n-fa eisht t’ou er my volley?

Genesis 3:13

As dooyrt y Chiarn Jee rish y ven, Cre shoh t’ou er n’yannoo? As dreggyr y ven, Ren yn ard-nieu m’y volley, as ren mee gee.

Genesis 31:26

As dooyrt Laban rish Jacob, Cre shoh t’ou er n’yannoo, dy vel oo er gheid ersooyl gyn-yss dou, as er goyrt lhiat my inneenyn, myr cappeeyn goit lesh y chliwe.

Genesis 4:10

As dooyrt eh, Cre t’ou er n’yannoo? ta coraa fuill dty vraarey geamagh hym’s veih’n ooir.

Genesis 44:15

As dooyrt Joseph roo, Cre’n obbyr shoh ta shiu er n’yannoo? nagh row fys eu, dy vod lheid y dooinney as mish son shickyrys, folliaghtyn y gheddyn magh?

2 Samuel 3:24

Eisht haink Joab gys y ree, as dooyrt eh, Cre shoh t’ou er n’yannoo? cur-my-ner, haink Abner hood; cre’n-fa lhig oo yn raad da, as dy vel eh er chosney roish.

Exodus 32:21

As dooyrt Moses rish Aaron, Cre’n olk ren y pobble shoh rhyt’s, dy vel oo er hayrn lheid y peccah orroo?

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Joshua 7:19

As dooyrt Joshua rish Achan, My vac, cur, ta mee guee ort, gloyr da’n Chiarn Jee Israel, as gow-rish dty loght huggeysyn; as insh dooys nish cre t’ou er n’yannoo, ny keill voym eh.

Briwnyn 2:2

As cha jean shiu coardail erbee rish cummaltee yn cheer shoh; nee shiu ny altaryn oc y lhieggal: agh cha vel shiu er ve biallagh gys my choraa: cre’n-fa ta shiu er n’yannoo shoh?

1 Samuel 14:43

Eisht dooyrt Saul rish Jonathan, Insh dou, cre t’ou er n’yannoo. As dinsh Jonathan da, as dooyrt eh, Cha ren mee agh blashtyn jeh kuse fardalagh dy vill er baare y lorg v’ayns my laue, as cur-my-ner, ta mee dy hurranse baase.