Genesis 12:13 - Yn Vible Casherick 1775 1819

¹³ Abbyr, ta mee guee ort, dy nee oo my huyr: dy vod eh ve mie mârym er dty ghraih’s, as bee my vioys er ny hauail er y choontey ayd’s.

Genesis 12:13 ပူးပေါင်းရင်းမြစ်များ

Genesis 11:29

As ghow Abram as Nahor dagh fer jeu ben: va ben Abram enmyssit Sarai: as ben Nahor, Milcah, inneen Haran, ayr Milcah, as ayr Iscah.

Genesis 12:14

As haink eh gy-kione, tra va Abram er jeet gys Egypt, hug ny Egyptianee my-ner yn ven dy row ee feer aalin.

Genesis 20:2

As loayr Abraham mychione Sarah e ven, gra, She my huyr ee: as hug Abimelech ree Gerar fys, as ghow eh Sarah.

Genesis 20:5

Nagh dooyrt eshyn rhym; She my huyr ee? as dooyrt ish, dy jarroo ee-hene, She my vraar eh: ayns ônid my chree, as gyn-loghtynid my laueyn, ta mee er n’yannoo shoh.

Genesis 26:7

As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

Isaiah 57:11

As quoi roish t’ou er ny ve ayns aggle ny imnea, dy vel oo er n’yannoo breg, as nagh vel oo er chooinaghtyn orrym’s, ny er n’ghoaill shoh gys dty chree? nagh vel mish er ve my host eer er-dyn chenn earish, as cha vel oo goaill aggle roym?

Jeremiah 38:17

Eisht dooyrt Jeremiah rish Zedekiah, Myr shoh ta’n Chiarn, Jee ny flaunyssee, Jee Israel, gra, My hed oo dy jarroo magh gys princeyn ree Vabylon, eisht bee dty annym bio, as cha bee yn ard-valley shoh er ny lostey lesh aile; as bee oo hene, as dty hie, ayns sauchys:

Jeremiah 38:20

Agh dooyrt Jeremiah, Cha jean ad oo y livrey seose: cur biallys, ta mee guee ort, da coraa yn Chiarn, ta mee dy loayrt rhyt: as hig eh dy mie lhiat, as bee dty annym bio.

Ezekiel 18:4

Cur-my-ner, ta dy chooilley annym lhiam’s, myr ta annym yn ayr, myr shen ta annym y vac lhiam’s: yn annym ta jannoo peccah, yiow eh baase.

Noo Ean 8:44

Ta shiuish jeh’n ayr eu yn drogh-spyrryd, as saynt nyn ayrey ver shiu rish: v’eshyn ny ghunver er-dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

Colossianee 3:6

Kyndagh rish ny reddyn shoh ta jymmoose Yee cheet er y chloan dy vee-viallys.