Genesis 12:10 - Yn Vible Casherick 1775 1819

¹⁰ As va genney ayns y cheer; as hie Abram sheese gys Egypt, dy chummal ayns shen: son va’n genney dewil ayns y cheer.

Genesis 12:10 ပူးပေါင်းရင်းမြစ်များ

Genesis 41:56

As va’n ghortey harrish ooilley eaghtyr y thallooin; as doshil Joseph ooilley ny thieyn-tashtee, as chreck eh rish ny Egyptianee; as vishee’n ghortey dy trome ayns cheer Egypt.

Genesis 41:57

As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

Genesis 42:5

As haink mec Israel dy chionnaghey arroo, marish feallagh elley: son va’n ghortey ayns cheer Chanaan.

Genesis 43:1

As va’n ghortey trome ayns y cheer.

Genesis 47:13

As haink yn arran dy ve feer ghoan ayns ooilley’n cheer: son va’n ghortey feer trome, myr shen dy row cheer Egypt, as ooilley cheer Chanaan goll naardey kyndagh rish y ghortey.

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

2 Reeaghyn 4:38

As haink Elisha reesht gys Gilgal, as va genney ’sy cheer, as va mec ny phadeyryn nyn soie kiongoyrt rish: as dooyrt eh rish e harvaant, Soie’n pot mooar er yn aile, as jean poddash y aarlaghey son mec ny phadeyryn.

2 Reeaghyn 6:25

As va gortey vooar ayns Samaria: as cur-my-ner, chruinnee ad eh cha chion shen, dy row kione assyl er ny chreck son kiare-feed peesh dy argid, as mysh punt dy arroo greddanit son queig peeshyn dy argid.

Psalmyn 105:13

Tra v’ad scughey veih ashoon gys ashoon: veih un reeriaght gys pobble elley;

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Psalmyn 34:19

S’mooar ta seaghyn y fer-cairal: agh ta’n Chiarn cur feaysley da assdoo ooilley.

Jeremiah 14:1

Goo’n Chiarn haink gys Jeremiah mychione y ghortey.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee-jee dy yien mie, ta mish er gheddyn barriaght er y theihll.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 7:11

Nish haink genney harrish ooilley cheer Egypt as Chanaan, as seaghyn mooar; as cha voddagh ny ayraghyn ain beaghey y gheddyn.

Ruth 1:1

Nish haink eh gy-kione rish lhing ny briwnyn, dy row gortey ’sy cheer: as hie dooinney dy row jeh Beth-lehem-judah dy chummal ayns cheer Voab, eh-hene, e ven, as e ghaa vac.