Genesis 12:1 - Yn Vible Casherick 1775 1819

¹ Nish va’n Chiarn er ghra rish Abram. Immee royd ass dty heer hene, as veih dty chynney, as veih thie dty ayrey, gys y cheer jeeagh-ym dhyt.

Genesis 12:1 ပူးပေါင်းရင်းမြစ်များ

Genesis 15:7

As dooyrt eh rish, Mish y Chiarn, hug lhiam uss magh ass Ur ny Chaldeanee, dy choyrt dhyt’s yn cheer shoh son eiraght.

Genesis 20:13

As haink eh gy-kione, tra hug Jee mee magh dy hroailt veih thie my ayrey, dy dooyrt mee r’ee, Shoh dty chenjallys nee oo y hoilshaghey dooys; Raad erbee dy jem mayd, abbyr my-mychione, She my vraar eh.

Genesis 24:38

Agh hed oo gys thie my ayrey, as gys my chynney, as gowee oo ben da my vac.

Genesis 24:4

Agh hed oo gys my heer hene, as gys my chynney, as gowee oo ben da my vac Isaac.

Genesis 24:7

Yn Chiarn Jee jeh niau, ghow mee veih thie my ayrey, as veih cheer my chynney, as ren loayrt rhym, as ren breearrey dou, gra, Da dty luight ver-yms yn cheer shoh; v’er eshyn e ainle royd, as gowee oo ben da my vac veih’n cheer shen.

Genesis 26:2

As hoilshee yn Chiarn eh-hene da, as dooyrt eh, Ny gow sheese gys Egypt, cum ’sy cheer jeeagh-ym dhyt.

Nehemiah 9:7

Uss yn Chiarn, yn Jee ren reih Abram, as hug lesh eh magh ass Ur jeh ny Caldeanee, as hug er yn ennym Abraham:

Isaiah 37:12

Vel jeeghyn ny ashoonyn er livrey adsyn ta my ayraghyn er stroie, myr Gozan, as Haran, as Rezeph, as cloan Eden v’ayns Telassar?

Isaiah 41:9

Uss ta mee er ghoaill veih slystyn cheer foddey, as er dty reih veih mastey ny ard-gheiney echey, as dooyrt mee rhyt, T’ou uss my harvaant, ta mee er dty reih, as cha treig-ym oo.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Ezekiel 33:24

Vac y dooinney, t’adsyn ta baghey ayns fadaneyssyn cheer Israel dy ghra, Cha row Abraham agh un er, as va’n slane cheer echey myr eiraght: agh ta shinyn ymmodee, as ta’n cheer er ny choyrt dooinyn son eiraght.

Earrooyn 10:30

As dooyrt eh rish, Cha voddym goll mêriu; agh hem roym gys my heer, as my chynney hene.

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Ashlish 18:4

As cheayll mee coraa elley veih niau, gra, Tar-jee magh ass-jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.