Genesis 11:31 - Yn Vible Casherick 1775 1819

³¹ As ghow Terah Abram e vac, as Lot mac Haran, yn oe echey, as Sarai e inneen ’sy leigh, ben e vac Abram; as hie ad magh veih Ur jeh ny Chaldeanee, dy gholl gys cheer Chanaan; as haink ad gys Haran, as ren ad cummal ayns shen.

Genesis 11:31 ပူးပေါင်းရင်းမြစ်များ

Genesis 10:19

As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah.

Genesis 11:32

As va eash Terah daa cheead bleïn as queig, as hooar Terah baase ayns Haran.

Genesis 12:4

Myr shen dimmee Abram roish, myr va’n Chiarn er loayrt rish; as hie Lot mârish: as va Abram three-feed bleïn as queig-jeig dy eash, tra hie eh magh ass Haran.

Genesis 12:5

As ghow Abram Sarai e ven, as Lot mac e vraarey, as ooilley yn chooid v’ad er jymsaghey, as y chloan v’eh er gheddyn ayns Haran: as hrog ad orroo dy gholl gys cheer Chanaan, as gys cheer Chanaan haink ad.

Genesis 14:12

As ghow ad Lot mac braarey Abram (va cummal ayns Sodom) as e chooid, as jimmee ad roue.

Genesis 15:7

As dooyrt eh rish, Mish y Chiarn, hug lhiam uss magh ass Ur ny Chaldeanee, dy choyrt dhyt’s yn cheer shoh son eiraght.

Genesis 24:10

As ghow yn stiurt jeih camelyn, jeh camelyn e vainshtyr, as jimmee eh roish, [Son va ooilley chooid e vainshtyr fo e laue] as dirree eh, as hie eh gys Mesopotamia, gys ard-valley Nahor.

Genesis 24:15

As shen myr ve s’coan v’eh erreish loayrt, cur-my-ner, haink Rebekah, inneen Vethuel, mac Vilcah, ben Nahor braar Abraham, magh lesh e saagh ushtey er e geaylin.

Genesis 27:43

Nish er-y-fa shen, my vac, gow my choyrle, as trog ort, cosne royd gys Laban my vraar, gys Haran

Genesis 28:10

As hie Jacob magh veih Beer-sheba, as jimmee eh lesh Haran.

2 Reeaghyn 19:12

Vel jeeghyn ny ashoonyn er livrey adsyn ta my ayraghyn er stroie; myr Gozan, as Haran, as Rezeph, as cloan Eden va ayns Thelasar?

Nehemiah 9:7

Uss yn Chiarn, yn Jee ren reih Abram, as hug lesh eh magh ass Ur jeh ny Caldeanee, as hug er yn ennym Abraham:

Lioar Yob 1:17

S’coan v’eh shoh erreish loayrt, tra haink myrgeddin fer elley, as dooyrt eh, Haink ny Caldeanee ayns three sheshaghtyn, as huitt ad er ny camelyn, as t’ad er chur lhieu ad ersooyl, as neesht er varroo ny sharvaantyn lesh foyr y chliwe; as ta mish my-lomarcan er scapail dy insh dhyt.

Isaiah 37:12

Vel jeeghyn ny ashoonyn er livrey adsyn ta my ayraghyn er stroie, myr Gozan, as Haran, as Rezeph, as cloan Eden v’ayns Telassar?

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.