Genesis 11:3 - Yn Vible Casherick 1775 1819

³ As dooyrt ad ry-cheilley, Tar-jee, lhig dooin breekyn y yannoo, as slane lostey ad: As va breekyn oc ayns ynnyd claghyn, as va pick-hallooin oc son mortar.

Genesis 11:3 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Genesis 11:7

Tar-jee, lhig dooin goll sheese, as ayns shen coyrt shaghrynys er y ghlare oc, nagh vod yn derrey yeh toiggal glare yn jeh elley.

Genesis 14:10

As va coan Siddim lane sloghyn laaghey; as reeaghyn Sodom as Gomorrah hug ad cooyl, as huitt ad ayndoo: as adsyn ren scapail chossyn ad roue gys ny sleityn.

2 Samuel 12:31

As hug eh lesh magh ny cummaltee v’ayn, as hug eh ad fo obbyr chreoi, lesh saaueyn, as lesh cleïn yiarn, as lesh teighyn yiarn, as dy gholl trooid obbyr yn aiee-vreek: as myr shoh ghell eh rish ooilley ard-valjyn cloan Ammon. Er shoh hyndaa David as ooilley’n pobble reesht gys Jerusalem.

Psalmyn 64:5

T’ad jannoo ad-hene daaney ayns olkys: as cur nyn goyrle dy cheilley, kys oddys ad ribbaghyn y hoiaghey; as gra, nagh vaik dooinney erbee ad.

Exodus 1:14

As hug ad orroo dy ve skee jeh nyn mioys lesh bondiaght creoi, ayns morter, as ayns brick, as ayns dy chooilley cheint dy obbyr vagheragh; dy chooilley vonney dy hirveish chiangle ad orroo, ve lesh dewlys.

Exodus 2:3

As tra nagh dod ee keiltyn eh ny sodjey, ren ee da clean dy hioonyn, as slaa ee eh lesh cray as pick-hallooin, as hug ee yn lhiannoo ayn; as daag ee eh ’sy chlioagagh rish broogh ny hawin.

Raaghyn Creeney 1:11

My jir ad, Tar mârin, lhig dooin lhie cooyl-chlea son fuill, lhig dooin farkiaght gyn-yss, as dy follit son y vooinjer neu-chyndagh, gyn oyr.

Ecclesiastes 2:1

Dooyrt mee ayns my chree, Tar nish, nee’m oo y phrowal lesh gien mie, shen-y-fa jean mooar jeed hene: as cur-my-ner, ta shoh myrgeddin fardail.

Isaiah 5:5

Agh nish, tar-jee; insh-ym diu cre nee’m rish my gharey-feeyney: goym ersooyl yn cleiy echey, as bee eh er ny ee seose; as brish-ym sheese yn voalley echey, as bee eh er ny stampey sheese.

Isaiah 65:3

Pobble ta dy my vrasnaghey gys corree dy kinjagh gys my eddin; ta ouralley gys nyn yallooyn ayns ny garaghyn, as lostey incense er altaryn dy vreek;

Isaiah 9:10

Ta ny breekyn er duittym, agh nee mayd thieyn y hroggal jeh claghyn cummit; ta ny biljyn-sycamore giarit sheese, as soie-ee mayd ayns nyn ynnyd biljyn-cedar.

Nahum 3:14

Tayrn uss ushtey son y chennid, niartee dty chashtallyn: immee ayns cray, as stamp y morter, niartee yn aiee-vreek.

Hebrewnee 10:24

As lhig dooin smooinaghtyn dy dowin ry-cheilley, dy ghreinnaghey gys graih, as gys obbraghyn mie:

Hebrewnee 3:13

Agh coyrlee-jee y cheilley gagh laa, choud as te enmyssit, Yn laa jiu: er-aggle dy bee veg eu er nyn greoghey liorish molteyrys peccah.

Jamys 4:13

Tar-jee nish, shiuish ta gra, Jiu ny mairagh hem mayd gys lheid yn ard-valley, as fuirree mayd ayn bleïn, kionnaghey as creck, as jannoo vondeish:

Jamys 5:1

Tar-jee nish shiuish gheiney berchagh, keayn-jee as gull-jee son nyn dreihys hig erriu.