Genesis 11:2 - Yn Vible Casherick 1775 1819

² As haink eh gy-kione, myr ghow ad nyn yurnah lesh y shiar, dy daink ad gys cheer rea ayns thalloo Shinar; as ayns shen ren ad cummal.

Genesis 11:2 ပူးပေါင်းရင်းမြစ်များ

Genesis 10:10

As va toshiaght e reiltys ayns Babel, as Erech, as Accad, as Calneh, ayns cheer Shinar.

Genesis 11:1

As va’n seihll ooilley jeh’n un chengey, as jeh’n un ghlare.

Genesis 11:9

Shen-y-fa te enmyssit Babel, er-yn-oyr dy nee ayns shen hug y Chiarn shaghrynys er glare ooilley yn seihll: as veih shen ren y Chiarn ad y skeayley harrish slane eaghtyr y thallooin.

Genesis 13:11

Eisht ren Lot reih da hene ooilley strah Yordan: as ren Lot troailt lesh y shiar: as ren ad scughey yn derrey yeh veih yn jeh elley.

Genesis 14:1

As haink eh gy-kione, rish lhing Amraphel ree Shinar, Arioch ree Ellasar, Chedorlaomer ree Elam, as Tidal ree ashoonee.

Isaiah 11:11

As hig eh gy-kione ayns y laa shen, dy jean y Chiarn soiaghey e laue yn nah cheayrt dy chosney sluight e phobble vees faagit, veih Assyria, as veih Egypt, as veih Pathros, as veih Cush, as veih Elam, as veih Shinar, as veih Hamath, as veih ellanyn yn aarkey.

Daniel 1:2

As hug y Chiarn Jehoiakim ree Yudah fo’n laue echey, marish paart jeh siyn casherick thie Yee ad shoh hug eh lesh gys cheer Shinar, gys thie e Yee, as hug eh ny siyn ayns thie-tashtee e Yee.

Zechariah 5:11

As dooyrt eh rhym, Dy hroggal thie er y hon ayns cheer Shinar: as bee eh er ny hroggal as soit ayns shen, er yn undin eck hene.