Genesis 10:9 - Yn Vible Casherick 1775 1819

⁹ V’eh ny helgeyr niartal kiongoyrt rish y Chiarn: shen-y-fa te ny raa cadjin, Eer myr Nimrod yn shelgeyr niartal kiongoyrt rish y Chiarn.

Genesis 10:9 ပူးပေါင်းရင်းမြစ်များ

Genesis 10:10

As va toshiaght e reiltys ayns Babel, as Erech, as Accad, as Calneh, ayns cheer Shinar.

Genesis 10:8

As hooar Cush, Nimrod: ghow eh shoh toshiaght dy ve ny ghooinney pooaral er y thalloo.

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 25:27

As daase ny guillin as va Esau ny helgeyr gastey, dooinney magheragh: agh va Jacob ny ghooinney sockeragh cummal ayns cabbaneyn.

Genesis 27:30

As haink eh gy-kione, erreish da Isaac v’er choyrt e vannaght da Jacob, as s’coan va Jacob er n’immeeaght veih fenish Isaac e ayr, dy daink Esau e vraar stiagh veih e helg.

Genesis 6:11

Va’n seihll myrgeddin mee-chrauee kiongoyrt rish Jee; as va’n thalloo lhieent lesh tranlaase.

Genesis 6:4

Va foawir ’sy theihll, ayns ny laghyn shen; as myrgeddin lurg shen, tra ghow mec Yee mraane jeh inneenyn gheiney, as dy dymmyrk ad cloan daue, haink yn sleih cheddin dy ve deiney niartal, va ’sy chenn earish, ard-hranlaasee.

2 Recortyssyn 28:22

As ayns earish e arkys hie eh er e hoshiaght ayns peccah noi’n Chiarn. Shen ree Ahaz diu.

Psalmyn 52:7

Hee yn sleih cairal shoh myrgeddin, as gowee ad aggle: as nee ad craidey mysh as gearey;

Isaiah 18:2

Ta coyrt chaghteryn reeoil er yn aarkey, eer ayns baatyn cuirtlagh er ny ushtaghyn, gra, Immee-jee shiuish chaghteryn bieau, gys ashoon skeaylt magh, as speeinit, gys pobble atchimagh veih’n toshiaght derrey nish; ashoon towshit magh as stampit sheese, yn thalloo echey ta ny awinyn er vhilley.

Jeremiah 16:16

Cur-my-ner, ver-ym fys er ymmodee eeasteyryn, ta’n Chiarn dy ghra, as nee ad y hayrtyn ad; as ver-ym fys er ymmodee shelgeyryn, as nee ad y helg ad veih dy chooilley lieau, as veih dy chooilley chronk, as veih guaggyn ny creggey.

Ezekiel 13:18

As abbyr, Myr shoh ta’n Chiarn Jee dy ghra, Smerg da ny mraane ta whaaley pillaghyn [obbee] fo dagh uillin, as jannoo breidyn [obbee] son king jeh dy chooilley eash, dy chleayney anmeenyn! jean shiuish anmeenyn my phobble y chleayney, as jean shiu ny anmeenyn ta cheet hiuish y hauail bio?

Micah 7:2

Ta’n dooinney crauee er jerraghtyn veih yn thalloo; as cha vel fer ynrick mastey deiney: t’ad ooilley lhie cooyl-chlea son fuill: t’ad shelg dy chooilley ghooinney e vraar lesh ribbey.