Genesis 10:7 - Yn Vible Casherick 1775 1819

⁷ As mec Cush; Seba, as Havilah, as Sabtah, as Raamah, as Sabtecha; as mec Raamah; Sheba as Dedan.

Genesis 10:7 ပူးပေါင်းရင်းမြစ်များ

Genesis 10:8

As hooar Cush, Nimrod: ghow eh shoh toshiaght dy ve ny ghooinney pooaral er y thalloo.

Genesis 2:11

Ta ennym yn chied awin Pison: shen eh ta combaasal slane cheer Havilah, raad ta airh.

1 Reeaghyn 10:1

As tra cheayll ben-reïn Sheba jeh goo Solomon, mychione ennym y Chiarn, haink ee dy phrowal eh lesh questionyn dorraghey.

1 Recortyssyn 1:9

As mec Cush; Sheba, as Havilah, as Sabta, as Raamah, as Sabtecha: as mec Raamah; Sheba, as Dedan.

Lioar Yob 1:15

As huitt ny Sabeanee orroo, as ghow ad ad ersooyl; as t’ad er varroo ny sharvaantyn lesh foyr y chliwe: as ta mish my-lomarcan er scapail dy insh dhyt.

Psalmyn 72:10

Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Isaiah 21:13

Yn errey er Arabia. Ayns keylljyn Arabia nee shiu aaght y ghoaill, O shiuish cho-hroailtee Dedanim.

Isaiah 43:3

Son mish y Chiarn dty Yee, Jee casherick Israel, dty Haualtagh: hug mee Egypt son dty choonrey, Ethiopia as Seba son dty eaysley.

Ezekiel 27:15

Va deiney Dedan dty varchanyn: va ymmodee ellanyn marchantys dty laue: hug ad lhieu hood son gioot, feeacklyn ivory, as ebony.

Ezekiel 27:20

Va Dedan dty varchan ayns eaddagh costal, cour fainee.

Ezekiel 27:22

Va marchanyn Sheba as Raamah ny marchanyn ayd’s, ren ad dellal ayns dty vargaghyn, lesh ooilley ny ard-spiceyn, as lesh dy chooilley horch dy chlaghyn costal, as airh.