Genesis 10:5 - Yn Vible Casherick 1775 1819

⁵ Lioroo shoh va ellanyn ny ashoonee er nyn rheynn lurg nyn cheeraghyn; dagh cheer lurg e ghlare hene, cordail rish nyn gynneeyn, ayns ny ashoonyn oc,

Genesis 10:5 ပူးပေါင်းရင်းမြစ်များ

Genesis 10:20

Ad shoh mec Ham, lurg nyn gynneeyn, rere nyn glaraghyn, ayns ny cheeraghyn oc, as ayns nyn ashoonyn.

Genesis 10:25

As da Eber v’er ny ruggey daa vac: va’n derrey yeh enmyssit Peleg, son rish y lhing echeysyn va’n seihll er ny rheynn; as va ennym e vraar Joktan.

Genesis 10:32

Ad shoh kynneeyn mec Noah, lurg nyn sheelogheyn, ayns nyn reeriaghtyn; as lioroo shoh va ny cheeraghyn er nyn rheynn er y thalloo lurg y thooilley.

Genesis 10:4

As mec Javan; Elisha, as Tarshish, Kittim, as Dodanim.

Genesis 10:6

As mec Ham; Cush, as Mizraim, as Phut, as Canaan.

Genesis 9:19

Ad shoh nyn droor mec Noah: as lioroosyn va’n slane seihll jeant magh lesh cummaltee.

Esther 10:1

As hug ree Ahasuerus y cheer, as ellanyn ny marrey fo keesh.

Psalmyn 72:10

Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Isaiah 11:11

As hig eh gy-kione ayns y laa shen, dy jean y Chiarn soiaghey e laue yn nah cheayrt dy chosney sluight e phobble vees faagit, veih Assyria, as veih Egypt, as veih Pathros, as veih Cush, as veih Elam, as veih Shinar, as veih Hamath, as veih ellanyn yn aarkey.

Isaiah 24:15

Shen-y-fa jean-jee yn Chiarn y ghloyraghey ayns ny coanyn, dy jarroo ennym y Chiarn, Jee Israel, ayns ellanyn yn aarkey.

Isaiah 40:15

Cur-my-ner, ta ny ashoonyn myr bine ’sy chruick, as t’ad coontit myr brinneen ayns ny meihaghyn: cur-my-ner, t’eh troggal ny ellanyn myr red feer fardalagh.

Isaiah 41:5

Honnick ny ellanyn shoh, as va aggle orroo; va atchim er cummaltee ardjyn sodjey magh y thallooin, hayrn ad dy cheilley, as haink ad.

Isaiah 42:10

Gow-jee arrane noa gys y Chiarn, as cur-jee moylley da er feaï-ny-cruinney; shiuish ta taaghey yn aarkey, as ooilley ny ta ayn; ny ellanyn, as nyn gummaltee.

Isaiah 42:4

Cha jean eh failleil ny coayl e chree, derrey t’eh er hoiaghey seose briwnys er y thalloo: as nee ny ellanyn farkiaght son e leigh.

Isaiah 49:1

Eaisht-jee rhym, O ellanyn; as jean-jee clashtyn, shiuish phobble veih foddey; ta’n Chiarn er n’eamagh orrym veih’n vreïn, veih breïn my vayrey t’eh er n’yannoo imraa jeh my ennym.

Isaiah 51:5

Ta my ynrickys er-gerrey; ta my haualtys er n’gholl magh, as nee niart my roihaghyn briwnys y pobble: nee ny ellanyn farkiaght orrym, as er my roih ver ad nyn marrant.

Isaiah 59:18

Cordail rish nyn yannoo, myr shen nee eh cooilleeney, eulys er e noidyn, as kerraghey trome er ny olkyssee; jeh ny ellanyn gowee eh lhiasaghey.

Isaiah 60:9

Son shickyrys nee ny ellanyn farkiaght er my hon, as lhongyn Tarshish hoshiaght, dy choyrt lhieu my vec veih foddey, nyn argid as nyn airh mâroo, gys ennym y Chiarn dty Yee, as gys Jee casherick Israel; er-yn-oyr dy vel eh er dty ghloyraghey.

Jeremiah 2:10

Son gow-jee trooid ellanyn Chittim, as jeeagh-jee; cur-jee chaghteryn gys Kedar, as gow-jee tastey vie, as jeeagh-jee my ta lheid y red:

Jeremiah 25:22

As ooilley reeaghyn Tyre, as ooilley reeaghyn Zidon, as reeaghyn ny ellanyn cheu elley jeh’n aarkey,

Ezekiel 26:15

Myr shoh ta’n Chiarn Jee dy ghra rish Tyrus, Nagh jean ny ellanyn craa lesh feiyr dty lhieggey, tra ta ny guintee gyllaghey, tra vees traartys jeant cheu-sthie jeed?

Ezekiel 26:18

Eisht bee ny ellanyn er-creau ayns laa dty lhieggey; s’feer eh, dy bee ellanyn ny marrey seaghnit ec dty hoyrt-mow.

Daniel 11:18

Lurg shoh, nee eh e eddin y hyndaa gys ny ellanyn, as ymmodee jeu y ghoaill: agh nee prince elley ass e lieh hene goaill ersooyl yn oltooan haink voishyn; fegooish oltooan da hene, ver eh er dy hyndaa ersyn.

Zephaniah 2:11

Bee yn Chiarn atchimagh daue: son ver eh naardey ooilley jeeghyn y thallooin; as nee deiney eshyn y ooashlaghey, dy chooilley unnane ’syn ynnyd hene, dy jarroo ooilley ellanyn ny ashoonee.

Deuteronomy 32:8

Tra ren yn er smoo syrjey rheynn er ny ashoonyn nyn eiraght, tra skeayl eh mec Adam, hoie eh cagleeyn y pobble, cordail rish earroo cloan Israel.