Genesis 10:32 - Yn Vible Casherick 1775 1819

³² Ad shoh kynneeyn mec Noah, lurg nyn sheelogheyn, ayns nyn reeriaghtyn; as lioroo shoh va ny cheeraghyn er nyn rheynn er y thalloo lurg y thooilley.

Genesis 10:32 ပူးပေါင်းရင်းမြစ်များ

Genesis 10:1

Nish ad shoh sheelogheyn vec Noah; Shem, Ham, as Japheth: as daue va mec er nyn ruggey lurg y thooilley.

Genesis 10:20

Ad shoh mec Ham, lurg nyn gynneeyn, rere nyn glaraghyn, ayns ny cheeraghyn oc, as ayns nyn ashoonyn.

Genesis 10:25

As da Eber v’er ny ruggey daa vac: va’n derrey yeh enmyssit Peleg, son rish y lhing echeysyn va’n seihll er ny rheynn; as va ennym e vraar Joktan.

Genesis 10:31

Ad shoh mec Shem, lurg nyn gynneeyn, rere nyn glaraghyn, ayns ny cheeraghyn oc, cordail rish nyn ashoonyn.

Genesis 10:5

Lioroo shoh va ellanyn ny ashoonee er nyn rheynn lurg nyn cheeraghyn; dagh cheer lurg e ghlare hene, cordail rish nyn gynneeyn, ayns ny ashoonyn oc,

Genesis 11:1

As va’n seihll ooilley jeh’n un chengey, as jeh’n un ghlare.

Genesis 9:1

As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lhieeney.

Genesis 9:19

Ad shoh nyn droor mec Noah: as lioroosyn va’n slane seihll jeant magh lesh cummaltee.

Genesis 9:7

As shiuish, bee-jee messoil, as jean-jee bishaghey; as coamree-jee yn seihll dy palchey, as jean-jee bishaghey ayn.

Lioar Yob 15:19

Dauesyn ny-lomarcan va’n thalloo er ny choyrt, as nagh daink joarree erbee ny mast’ oc.

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc: