Genesis 10:2 - Yn Vible Casherick 1775 1819

² Mec Japheth; v’ad Gomer, as Magog, as Madai, as Javan, as Tubal, as Meshech, as Tiras.

Genesis 10:2 ပူးပေါင်းရင်းမြစ်များ

Genesis 10:1

Nish ad shoh sheelogheyn vec Noah; Shem, Ham, as Japheth: as daue va mec er nyn ruggey lurg y thooilley.

Genesis 10:21

Da Shem myrgeddin, ayr ooilley cloan Eber, braar Japheth by-hinney, eer dasyn va cloan er nyn ruggey.

Genesis 9:27

As ver Jee reill da Japheth, (harrish mooarane cheeraghyn) as nee eh cummal ayns cabbaneyn Shem, as bee Canaan e harvaant.

2 Reeaghyn 17:6

Ayns y nuyoo vleïn jeh Hoshea, ghow ree Assyria Samaria, as hug eh lesh Israel ersooyl gys Assyria, as ad y hoiaghey ayns Halah, as ayns Habor liorish awin Gozan, as ayns ard-valjyn ny Medeyn.

Psalmyn 120:5

Ta m’annym’s er chummal foddey ny-vud ocsyn: ta nyn noidyn da shee.

Isaiah 66:19

As soie-yms cowrey orroo, as ver-ym ny scapailtee jeu gys ny ashoonyn, gys Tarshish, Pul, as Lud, ta tayrn y vhow, gys Tubal as Javan, gys ny ellanyn foddey jeh, nagh vel er chlashtyn my ghoo, chamoo er vakin my ghloyr; as nee ad soilshaghey my ghloyr mastey ny ashoonee.

Ezekiel 27:19

Dan neesht as Javan goll huggey as veih, ren dellal ayns dty vargaghyn: va yiarn sollys, cassia, as calamus ayns dty vargaghyn.

Ezekiel 27:7

Aanrit keyl lesh obbyr-snaidey, ren oo skeayley magh son shiaull dhyt; gorrym as gorrym-jiarg veih ellanyn Elishah va coodaghey dty chabbaneyn lhuingys.

Ezekiel 32:26

Shen y raad ta Meshech, Tubal, as ooilley yn ymmodee pobble eck: ta ny oaiaghyn oc cruin mygeayrt-y-mysh: ooilley nyn jymmyltee stroit lesh y chliwe, ga dy ren ad skeayley nyn atchim fud cheer ny bioee.

Ezekiel 38:15

As hig uss veih dty ynnyd hene, ass ny ardjyn twoaie, uss as mooarane pobble mayrt, ooilley markiagh er cabbil, sheshaght vooar, as fir-chaggee niartal.

Ezekiel 38:2

Vac y dooinney, soie dty eddin noi Gog, thalloo Vagog, ard-phrince Veshech as Tubal, as jean phadeyrys n’oï,

Ezekiel 38:6

Gomer, as ooilley e heshaght; as mooarane sleih mâroosyn.

Ezekiel 39:1

Shen-y-fa, uss vac y dooinney, jean phadeyrys noi Gog, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, O Ghog, ard-phrince Veshech as Tubal.

Ashlish 20:8

As hed eh magh dy volley ny ashoonyn t’ayns ny kiare ayrnyn jeh’n theihll, Gog as Magog, dy haglym ad dy cheilley gys caggey: nyn earroo ta myr genniagh ny marrey.