Genesis 10:19 - Yn Vible Casherick 1775 1819

¹⁹ As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah.

Genesis 10:19 ပူးပေါင်းရင်းမြစ်များ

Genesis 10:18

As yn Arvadite, as yn Zemarite, as yn Hamathite; as lurg shoh va sheelogheyn ny Canaaniteyn er nyn skeayley dy lhean.

Genesis 10:20

Ad shoh mec Ham, lurg nyn gynneeyn, rere nyn glaraghyn, ayns ny cheeraghyn oc, as ayns nyn ashoonyn.

Genesis 14:2

Dy ren ny reeaghyn shoh caggey noi Bera ree Sodom, as noi Birsha ree Gomorrah, noi Shinab ree Admah, as Shemeber ree Zeboiim, as noi ree Bela, ta shen Zoar.

Genesis 14:3

V’ad shoh er nyn jaglym cooidjagh ayns coan Siddim, ta nish enmyssit yn keayn sailjey.

Genesis 18:20

As dooyrt y Chiarn, Er-yn-oyr dy vel eam Sodom as Gomorrah atchimagh, as er-yn-oyr dy vel y peccah oc feer eajee:

Genesis 20:1

As ghow Abraham e yurnah veih shen lesh y cheer my-yiass, as ren eh cummal eddyr Kadesh as Shur, as v’eh er e yoarreeaght ayns Gerar.

Genesis 26:1

As va genney ’sy cheer, lurg y chied ghenney v’ayns laghyn Abraham: as hie Isaac gys Abimelech ree ny Philistinee, gys Gerar.

2 Recortyssyn 14:12

Myr shen woaill yn Chiarn ny Ethiopianee roish Asa, as Judah, as hug ny Ethiopianee cooyl roo.

2 Recortyssyn 14:13

As deiyr Asa as e gheiney orroo gys Gerar; as va niart ny Ethiopianee er ny vrishey, nagh voddagh ad shassoo cooidjagh; son v’ad er nyn stroie roish y Chiarn, as roish e heshaght-chaggee, as hug ad lhieu ersooyl mooarane spooilley.

Lioar Yob 38:20

Dy voddagh oo geiyrt er gys e chagliagh, as fys ’ve ayd er ny cassanyn ta leeideil gys e oayll?

Isaiah 23:11

Heeyn eh magh e laue harrish yn aarkey; t’eh er chraa ny reeriaghtyn: ta’n Chiarn er chur sarey noi ard-valley ny marchanyn, dy stroie ny cashtallyn lajer eck.

Isaiah 23:4

Gow nearey, O Zidon; son ta’n aarkey er loayrt, eer niart yn aarkey, gra, Cha vel mee er-troailt, ny gymmyrkey cloan, chamoo ta mee boandyrys deiney aegey, ny troggal seose moidynyn.

Jeremiah 25:20

As slane shiartanse ny ashoonyn-quaagh as joarree, as ooilley reeaghyn thalloo Uz, as ooilley reeaghyn thalloo ny Philistinee, as Ashkelon, as Azzah, as Ekron, as fooilliagh Ashdod,

Jeremiah 47:1

Goo yn Chiarn haink gys y phadeyr Jeremiah noi ny Philistinee, roish my va Pharaoh er n’ghoaill Gaza;

Ezekiel 28:21

Vac y dooinney, soie dty eddin noi Zidon, as jean phadeyrys noi eck,

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Jannoo 8:26

As loayr ainle y Chiarn rish Philip, gra, Trog ort, as immee my-yiass, gys y raad goll sheese veih Jerusalem gys Gaza, trooid yn aasagh.

Deuteronomy 2:23

As ny Avimee va cummal ayns Hazerim, eer gys Azzah, ren ny Caphtorim haink veih Caphtor stroie, as chum ad’syn ynnyd oc)

Deuteronomy 32:8

Tra ren yn er smoo syrjey rheynn er ny ashoonyn nyn eiraght, tra skeayl eh mec Adam, hoie eh cagleeyn y pobble, cordail rish earroo cloan Israel.

Joshua 19:28

As Hebron, as Rehob, as Hammon, as Kanah, choud as Zidon mooar;

Briwnyn 16:1

Eisht hie Samson gys Gaza, as honnick eh ayns shen ben oainjyragh, as ghow eh aaght mâree.

Briwnyn 6:4

As ren ad campal nyn ’oï, as stroie ad messyn y thallooin, choud’s Gaza; as cha daag ad veg y veaghey da Israel, chamoo keyrrey, ny dow, ny assyl.

1 Samuel 13:18

As ghow sheshaght elley yn raad gys Beth-horon: as sheshaght elley raad ny ardjyn lesh coan Zeboim gys yn aasagh.