Genesis 1:6 - Yn Vible Casherick 1775 1819

⁶ As dooyrt Jee, Lhig da aer ve eddyr ny ushtaghyn, as lhig eh scarrey ny ushtaghyn veih ny ushtaghyn.

Genesis 1:6 ပူးပေါင်းရင်းမြစ်များ

Genesis 1:14

As dooyrt Jee, Lhig da soilshaghyn ve ayns yn ayr fo niau, dy scarrey yn laa veih yn oie: as lhig daue ve son cowraghyn, as son imbaghyn, as son laghyn, as bleeantyn.

Genesis 1:20

As dooyrt Jee, Lhig da ny ushtaghyn gymmyrkey magh dy palchey yn cretoor snauee ayn ta bioys, as eeanlee nee getlagh erskyn yn ooir ’syn aer feayn foshlit fo niau.

Lioar Yob 26:13

Liorish e Spyrryd t’eh er choamrey ny niaughyn; e laue t’er chummey yn ard-nieu camlaagagh.

Lioar Yob 37:11

Myrgeddin liorish deayrtey neose ushtey ta’n bodjal trome lheïe ersooyl; t’eh skeayley’n bodjal lesh e ghrian,

Lioar Yob 37:18

Vel uss mârishyn er skeayley magh yn aer, ta cha lajer, as myr prash sollys?

Psalmyn 104:2

T’ou dy choamrey oo hene lesh soilshey myr lesh garmad: as skeayley magh ny niaughyn myr curtan;

Psalmyn 148:4

Moylley-jee eh, ooilley shiuish niaughyn: as shiuish ushtaghyn ta erskyn yn aer.

Psalmyn 150:1

O cur-jee moylley da Jee ayns e chasherickys: moylley-jee eh ayns yrjid e phooar.

Psalmyn 19:1

Ta ny niaughyn fockley magh gloyr Yee: as ta’n aer soilshaghey obbyr e laueyn.

Psalmyn 19:2

Laa lurg laa te er ny hoilshaghey: as ta oie lurg oie cur toiggal jeh.

Psalmyn 33:6

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal.

Psalmyn 33:9

Son loayr eh, as ve jeant: hug eh sarey, as hass eh shickyr.

Ecclesiastes 11:3

My ta ny bodjallyn lane fliaghey, t’ad folmagh ad-hene er y thalloo, as my huittys yn billey lesh y jiass, ny lesh y twoaie, ’sy voayl huittys eh, shen y raad nee eh lhie.

Isaiah 40:22

Eshyn eh ta soie er combaase y theihll, as ta ny cummaltee echey myr lheimeyderyn-faiyr; ta sheeyney magh ny niaughyn myr curtan, as skeayley magh ad myr cabbane dy chummal ayn;

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Jeremiah 51:15

T’eh er chroo yn thalloo lesh e phooar, t’eh er chiaddey yn seihll liorish e chreenaght, as er heeyney magh yn aer liorish e hushtey.

Zechariah 12:1

Phadeyrys trome goo yn Chiarn son Israel, ta’n Chiarn dy ghra, ta sheeyney magh ny niaughyn, as layal undin ny hooirey, as kiaddey spyrryd dooinney cheu-sthie jeh.

2 Peddyr 3:5

Son shoh t’ad dy aignagh mee-hushtagh jeh, dy nee liorish goo Yee va ny niaughyn ec y toshiaght, as yn thalloo shassoo erskyn yn ushtey, as fo’n ushtey.