Genesis 1:31 - Yn Vible Casherick 1775 1819

³¹ As honnick Jee dy chooilley nhee v’eh er chroo as cur-my-ner ve feer vie. As va’n fastyr as y moghrey yn cheyoo laa.

Genesis 1:31 ပူးပေါင်းရင်းမြစ်များ

Genesis 1:13

As va’n fastyr as y moghrey yn trass laa.

Genesis 1:19

As va’n fastyr as y moghrey yn chiarroo laa.

Genesis 1:23

As va’n fastyr as y moghrey yn wheiggoo laa.

Genesis 1:5

As denmys Jee yn soilshey Laa, as y dorraghys denmys eh Oie: as y fastyr as y moghrey va’n chied laa.

Genesis 1:8

As ren Jee genmys yn aer Niau: as va’n fastyr as y moghrey yn nah laa.

Genesis 2:2

As er y chiaghtoo laa scuirr Jee veih yn obbyr v’eh er chroo; as ghow eh fea er y chiaghtoo laa veih ooilley e obbyr v’eh er chroo.

Genesis 2:3

As vannee Jee yn chiaghtoo laa, as ren eh eh y chasherickey, er-y-fa dy nee er (y laa shen) v’eh er scuirr veih ooilley e obbyr va Jee er chroo, as er n’yannoo.

Lioar Yob 38:7

Tra ren rollageyn y voghrey nyn arraneyn-moyllee y ghoaill cooidjagh, as tra ren ooilley cloan Yee troggal seose nyn goraa son boggey?

Psalmyn 104:24

O Hiarn, cre cha ymmodee ta dt’obbraghyn: ayns creenaght t’ou er n’yannoo ad ooilley, ta’n seihll lane jeh dty verchys!

Psalmyn 104:28

Tra t’ou dy chur daue eh, t’ad dy haglym eh: as tra t’ou fosley dty laue, t’ad jeant magh lesh mie.

Psalmyn 104:31

Nee Ard-ooashley gloyroil y Chiarn farraghtyn son dy bragh: nee yn Chiarn boggey ’ghoaill ayns e obbraghyn.

Psalmyn 119:68

T’ou uss mie as graysoil: O ynsee dou dty lattyssyn.

Exodus 20:11

Son ayns shey laa chroo yn Chiarn niau as thalloo, yn faarkey, as ooilley ny t’ayndoo, as scuirr eh er y chiaghtoo laa: shen-y-fa vannee yn Chiarn y chiaghtoo laa, as ren eh eh y chasherickey.

Exodus 31:17

Te cowrey eddyr mish as cloan Israel son dy bragh: son ayns shey laa chroo’n Chiarn niau as thalloo, as er y chiaghtoo laa scuirr eh, as ghow eh boggey jeh.

Raaghyn Creeney 16:4

Ta’n Chiarn er n’yannoo dy chooilley nhee er e hon hene: eer ny drogh-yantee cour laa yn cherraghey.

Ecclesiastes 3:11

T’eh er n’yannoo dy chooilley nhee aalin ayns e imbagh hene: t’eh myrgeddin er choyrt daue cree tastagh ’sy theihll, ga nagh vod dooinney erbee roshtyn gys slane toiggal ny obbraghyn ta Jee dy yannoo veih’n toshiaght gys y jerrey.

Dobberan 3:38

Nagh vel mie as sie cheet magh ass beeal yn er-syrjey?

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

1 Timothy 4:4

Son ta ooilley cretooryn Yee mie, as dyn nhee erbee dy ve mee-lowit, my te er ny ghoaill lesh toyrt-booise:

1 Timothy 4:5

Son te er ny chasherickey liorish goo Yee, as padjer.