Genesis 1:29 - Yn Vible Casherick 1775 1819

²⁹ As dooyrt Jee, Cur-my-ner, ta mee er choyrt diu dy chooilley losserey ta gymmyrkey rass, er slane eaghtyr y thallooin, as dy chooilley villey ayn ta mess billey gymmyrkey rass: diuish vees eh son beaghey.

Genesis 1:29 ပူးပေါင်းရင်းမြစ်များ

Genesis 2:16

As hug y Chiarn Jee sarey da’n dooinney, gra, Jeh mess ooilley biljyn y gharey foddee oo dy arryltagh gee:

Genesis 6:21

As gow uss hood jeh dy chooilley horch dy veaghey ta dy ve eeit; as nee oo y haglym hood eh, as bee eh son beaghey dhyt’s as dauesyn.

Genesis 9:3

Bee dy chooilley chretoor ta bioys ayn son beaghey diu; eer myr glassyragh y vagher ta mee er choyrt diu dy chooilley nhee:

Lioar Yob 36:31

Son lioroo shoh t’eh dy vriwnys ny ashoonyn; as shirveish beaghey ayns mooarane sonnys.

Psalmyn 111:5

T’eh er chur beaghey dauesyn ta goaill aggle roish: bee eh dy bragh cooinaghtyn er e chonaant.

Psalmyn 115:16

Ta ny slane niaughyn lesh y Chiarn: yn thalloo t’eh er choyrt da cloan gheiney.

Psalmyn 136:25

Ta coyrt beaghey da dy chooilley eill: son ta e vyghin farraghtyn son dy bragh.

Psalmyn 146:7

Ta’n Chiarn coyrt feaysley da ny pryssoonee: ta’n Chiarn coyrt soilshey da ny doail.

Psalmyn 147:9

Ta coyrt foddyr da’n maase: as beaghey ny fee aegey ta geamagh huggey.

Psalmyn 24:1

Lesh y Chiarn y thalloo, as ooilley ny t’ayn: combaase y theihll, as adsyn ta baghey ayn.

Isaiah 33:16

Nee eshyn cummal ’syn yrjid: bee troshid ny creggyn cashtal e endeilys, bee arran er ny choyrt da, bee e ushtaghyn shickyr.

Hosea 2:8

Son cha dug ee geill, dy nee mish hug jee arroo, as feeyn, as ooil, as vishee mee yn argid as yn airh eck, ren ad y vaarail er Baal.

Noo Mian 6:11

Cur dooin nyn arran jiu as gagh laa.

Jannoo 14:17

Ny-yeih cha daag eh eh-hene fegooish feanish, ayns dy ren eh mie, as dy dug eh dooin fliaghey veih niau, as imbaghyn messoil, lhieeney ny creeaghyn ain lesh beaghey as gennallys.

Jannoo 17:28

Son aynsyn ta shin bio, as bioyr, as baghey; myr sheer da paart jeh ny bardoonee eu hene ta gra, Son ta shinyn neesht jeh’n cluight echeysyn.

1 Timothy 4:3

Lhiettal dy phoosey, as sarey dy reayll veih bee, ta Jee er chroo dy ve er ny ghoaill lesh toyrt-booise lioroosyn ta credjal as toiggal yn irriney.

1 Timothy 6:17

Cur currym orroosyn ta berchagh ’sy theihll shoh, nagh bee ad ard-aignagh, ny treishteil ayns berchys neu-hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu: