Genesis 1:28 - Yn Vible Casherick 1775 1819

²⁸ As vannee Jee ad, as dooyrt Jee roo, Bee-jee messoil, as jean-jee bishaghey, as jean-jee yn seihll magh lesh cummaltee, as reill-jee harrish: as ta pooar eu harrish eeastyn ny marrey, as harrish eeanlee yn aer, as harrish dy chooilley nhee bio ta gleashagh er y thalloo.

Genesis 1:28 ပူးပေါင်းရင်းမြစ်များ

Genesis 1:22

As vannee Jee ad, gra, Bee-jee messoil as jean-jee bishaghey, as lhieen-jee ushtaghyn ny marrey, as lhig da ny eeanlee bishaghey er y thalloo.

Genesis 17:16

As neem’s ee y vannaghey, as myrgeddin ver-ym dhyt mac jeeish: dy jarroo nee’m ee y vannaghey, as bee ish moir ashoonyn; hig reeaghyn dy phobble jeeish.

Genesis 17:20

As mychione Ishmael, ta mee er dty chlashtyn: cur-my-ner, ta mee er vannaghey eh, as nee’m eh messoil, as nee’m bishaghey eh erskyn towse: daa phrince jeig nee eh y gheddyn, as neem’s eh ny ashoon mooar.

Genesis 24:60

As vannee ad Rebekah as dooyrt ad r’ee, T’ ou uss nyn shuyr; bee uss moir thousaneyn dy villaghyn, as lhig da dty luight possession y ghoaill jeh giat nyn noidyn.

Genesis 26:24

As hoilshee’n Chiarn eh-hene da ’syn oie cheddin, as dooyrt eh, Mish Jee Abraham dty ayrey: ny gow aggle, son ta mish lhiat, as nee’m oo y vannaghey, as bishaghey dty luight er graih my harvaant Abraham.

Genesis 33:5

As hrog eh seose e hooillyn, as honnick eh ny mraane as y chloan; as dooyrt eh, Quoi ad shen mayrt? As dooyrt eh, Yn chloan ta Jee dy graysoil er choyrt da dty harvaant.

Genesis 49:25

Eer liorish Jee dt’ayrey, nee cooney lhiat, as liorish yn ooilley-niartal, nee uss y vannaghey, lesh bannaghtyn niau heose, bannaghtyn y diunid heese, bannaghtyn ny keeaghyn, as y vreïn.

Genesis 5:2

Fyrrynagh as bwoirrynagh chroo eh ad: as vannee eh ad, as denmys eh yn ennym oc Adam, er y laa v’ad er nyn groo.

Genesis 6:1

As haink eh gy-kione, myr ghow deiney toshiaght dy vishaghey er eaghtyr y thallooin, as dy row inneenyn ruggit daue.

Genesis 8:17

Cur lhiat magh dy chooilley nhee bio ta mayrt, jeh dy chooilley ghooghys, chammah jeh ny eeanlee, as jeh’n maase, as jeh dagh cretoor ta snaue er y thalloo; dy vod ad cheet er-ash dy palchey er y thalloo, as ve messoil, as bishaghey er yn ooir.

Genesis 9:1

As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lhieeney.

Genesis 9:7

As shiuish, bee-jee messoil, as jean-jee bishaghey; as coamree-jee yn seihll dy palchey, as jean-jee bishaghey ayn.

1 Recortyssyn 26:5

Ammiel y cheyoo, Issachar yn chiaghtoo, Peulthai yn hoghtoo: son va Jee er vannaghey eh.

1 Recortyssyn 4:10

As deïe Jabez gys Jee Israel, gra, Oh dy jinnagh oo mish y vannaghey dy jarroo, as my ardjyn y heeyney magh, as dy bee dty laue mârym dy my reayll veih tranlaase, nagh bee’m seaghnit liorish. As hug Jee e yeearree da.

Lioar Yob 39:11

Jean oo treishteil er, son dy vel e niart mooar? as jean oo dt’obbyr y aagail da?

Lioar Yob 42:12

Myr shoh vannee’n Chiarn jerrey bea Yob ny smoo na’n toshiaght: son v’echey kiare thousaneyn jeig keyrragh, as shey thousane camel, as thousane whing dy ghew, as thousane assyl bwoirryn.

Psalmyn 107:38

T’eh dy nyn mannaghey ad, dy vel ad bishaghey erskyn towse: as cha vel eh surranse da’n maase oc dy ve ny sloo ayns earroo.

Psalmyn 115:16

Ta ny slane niaughyn lesh y Chiarn: yn thalloo t’eh er choyrt da cloan gheiney.

Psalmyn 69:34

Son ta’n Chiarn clashtyn ny boghtyn: as cha vel eh soiaghey beg jeh e phryssoonee.

Psalmyn 8:6

T’ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

Psalmyn 8:7

Dy chooilley cheyrrey as dow: as myrgeddin beïyn y vagher;

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Leviticus 26:9

Son neem’s soiaghey jiuish, as jannoo shiu messoil, as bishaghey shiu, as niartaghey my chonaant riu.

1 Timothy 4:3

Lhiettal dy phoosey, as sarey dy reayll veih bee, ta Jee er chroo dy ve er ny ghoaill lesh toyrt-booise lioroosyn ta credjal as toiggal yn irriney.