Genesis 1:26 - Yn Vible Casherick 1775 1819

²⁶ As dooyrt Jee, Lhig dooin dooinney y chroo ayns y jalloo as y chaslys ain hene: as lhig da reill ve oc harrish eeastyn ny marrey, as harrish eeanlee yn aer, as harrish y maase, as harrish ooilley yn thalloo, as harrish dy chooilley nhee snauee t’er y thalloo.

Genesis 1:26 ပူးပေါင်းရင်းမြစ်များ

Genesis 11:7

Tar-jee, lhig dooin goll sheese, as ayns shen coyrt shaghrynys er y ghlare oc, nagh vod yn derrey yeh toiggal glare yn jeh elley.

Genesis 2:19

As jeh’n ooir chroo yn Chiarn Jee ooilley beiyn y vagher as ooilley eeanlee yn aer, as hug eh lesh ad gys Adam, dasyn dy choyrt ennym orroo: as cre-erbee yn ennym hug Adam er dagh cretoor bio, shen va’n ennym echey.

Genesis 3:22

As dooyrt y Chiarn Jee, Cur-my-ner ta’n dooinney myr-yien er jeet dy ve myr unnane j’inyn, dy hoiggal mie as sie: as nish son nagh der eh magh e laue, as dy gow eh myrgeddin jeh billey’n vea, as gee jeh, as ve dy bragh beayn.

Genesis 5:1

Shoh lioar sheelogheyn Adam. ’Sy laa ren Jee dooinney y chroo, ayns caslys Yee ren eh eshyn y chroo:

Genesis 9:6

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

Lioar Yob 35:10

Agh cha vel unnane gra, C’raad ta Jee m’Er-croo, ta coyrt arraneyn ’syn oie;

Lioar Yob 39:11

Jean oo treishteil er, son dy vel e niart mooar? as jean oo dt’obbyr y aagail da?

Lioar Yob 5:23

Son bee oo ayns coardail rish claghyn y vagher; as bee beishtyn feïe ny hooirey ec shee rhyt.

Psalmyn 100:3

O gow-jee stiagh ayns e yiattyn lesh toyrt-booise, as ayns e chooyrtyn lesh moylley: bee-jee booisal dasyn, as loayr-jee mie jeh’n Ennym echey.

Psalmyn 149:2

Lhig da Israel boggey ’ghoaill aynsyn ren eh y chroo: as lhig da cloan Sion ’ve gennal ayns nyn Ree.

Ecclesiastes 7:29

Cur-my-ner, shoh ynrycan ta mee er gheddyn, dy vel Jee er n’yannoo dooinney cairal; agh t’eh dy voirey eh-hene ayns ymmodee cooishyn kialgagh.

Arrane Solomon 1:11

Nee mayd er dty hon chemmallyn airhey lesh taggadyn argid.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 6:8

Myrgeddin cheayll mee coraa yn Chiarn, gra, Quoi nee’m y choyrt, as quoi hed er chaghteraght er nyn son? Eisht dooyrt mee, Ta mish ayns shoh; lhig dooys goll.

Isaiah 64:8

Agh nish, O Hiarn, t’ou uss nyn Ayr: ta shinyn y chray, as uss yn Obbree, as ta shinyn ooilley obbyr dty laueyn.

Jeremiah 27:6

As nish ta mee er choyrt ooilley ny cheeraghyn shoh gys laue Nebuchadnezzar ree Vabylon, my harvaant; as beïyn y vagher ta mee er choyrt da myrgeddin dy hirveish eh.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 5:17

Agh dreggyr Yeesey ad, Ta my Ayr gobbraghey derrey nish: as ta mish gobbraghey.

Jannoo 17:20

Son t’ou fockley magh shiartanse dy reddyn joarree ayns nyn glashtyn: baill-lhien er-y-fa shen fys y gheddyn cre er t’ou cheet liorish ny goan shoh?

Jannoo 17:26

As dy vel eh er n’yannoo jeh’n un uill ooilley ashoonyn sheelnaue, dy vaghey er slane eaghtyr y thallooin, as dy vel eh er n’oardaghey ny earishyn roïe kiarit, as cagliaghyn ny cheeraghyn oc:

1 Corinthianee 11:7

Er son y dooinney dy jarroo cha lhisagh eh e chione y choodaghey, ayns wheesh as dy vel eh co-chaslys as gloyr Yee: agh ta’n ven gloyr y dooinney.

2 Corinthianee 3:18

Agh shinyn ooilley lesh eddin foshlit, cur-my-ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:4

Ny-vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co-chaslys Yee, soilshean hucsyn.

Ephesianee 4:24

As cur-jee erriu yn dooinney noa, ta lurg Jee er ny chroo ayns ynrickys as craueeaght firrinagh.

Colossianee 1:15

Eshyn ta co-chaslys yn Jee nagh vod ve er ny akin, yn chied-er-ny-gheddyn jeh dy chooilley chretoor:

Colossianee 3:10

As dy vel shiu er chur erriu yn dooinney noa, ta er ny yannoo ass-y-noa ayns tushtey, lurg y co-chaslys echeysyn ren eshyn y chroo.

Jamys 3:7

Son ta dy chooilley ghooghys dy veïyn, as dy eeanlee, as dy ard-nieughyn, as reddyn ayns yn aarkey, er ny veenaghey, as er ny ve jeant meen liorish deiney:

Jamys 3:9

Lesh ta shin bannaghey Jee, dy jarroo yn Ayr; as lesh ta shin gweeaghyn da deiney, ta jeant lurg caslys Yee.

1 Ean 5:7

Son ta three ayn ta gymmyrkey feanish ayns niau, yn Ayr, yn Goo, as y Spyrryd Noo: as ta’n three shoh unnane.