Genesis 1:25 - Yn Vible Casherick 1775 1819

²⁵ As chroo Jee beishtyn y thallooin lurg nyn ghooghys, yn maase lurg nyn ghooghys, as dy chooilley nhee ta snaue er yn ooir lurg e ghooghys: as honnick Jee dy row eh mie.

Genesis 1:25 ပူးပေါင်းရင်းမြစ်များ

Genesis 7:21

As hooar dy chooilley chretoor baase ren gleashagh er y thalloo, chammah ny eeanlee, as y maase, as ny beiyn, as dy chooilley nhee ta snaue er y thalloo, as dy chooilley ghooinney.

Genesis 7:22

Dy chooilley chretoor va bioys ayn, ooilley ny v’er y thalloo chirrym, hooar ad baase.

Lioar Yob 12:7

Agh fênee nish jeh maase y vagher, as nee ad dty ynsaghey; as jeh eeanlee’n aer, as nee ad ginsh dhyt:

Lioar Yob 26:13

Liorish e Spyrryd t’eh er choamrey ny niaughyn; e laue t’er chummey yn ard-nieu camlaagagh.

Lioar Yob 41:12

Cha jean-ym keiltyn e oltyn, ny e hroshid, ny stoamid cummey e niart.

Jeremiah 27:5

Mish ta er chroo yn thalloo, yn dooinney as y baagh ta er yn ooir, liorish my phooar ooilley-niartal, as my roih sheeynt magh, as ta mee er choyrt eh da quoi-erbee saillym.

1 Timothy 4:5

Son te er ny chasherickey liorish goo Yee, as padjer.