Genesis 1:24 - Yn Vible Casherick 1775 1819

²⁴ As dooyrt Jee, Lhig da’n thalloo gymmyrkey yn cretoor bio lurg e ghooghys; maase as cretooryn snauee as beishtyn y thallooin lurg nyn ghooghys: as myr shen ve.

Genesis 1:24 ပူးပေါင်းရင်းမြစ်များ

Genesis 1:23

As va’n fastyr as y moghrey yn wheiggoo laa.

Genesis 2:19

As jeh’n ooir chroo yn Chiarn Jee ooilley beiyn y vagher as ooilley eeanlee yn aer, as hug eh lesh ad gys Adam, dasyn dy choyrt ennym orroo: as cre-erbee yn ennym hug Adam er dagh cretoor bio, shen va’n ennym echey.

Genesis 6:20

Jeh ny eeanlee lurg nyn ghooghys, as jeh’n maase lurg nyn ghooghys, jeh dagh nhee ta snaue er y thalloo lurg e ghooghys: hig jees jeh dagh horch hood’s dy reayll ad bio.

Genesis 7:14

Adsyn, as dagh baagh lurg e cheint, as ooilley’n maase, lurg nyn geint, as dy chooilley nhee ta snaue er y thalloo lurg e cheint, as dy chooilley eean lurg e cheint, dy chooilley ushag jeh dagh horch.

Genesis 8:19

Dy chooilley vaagh, dy chooilley nhee snauee, as dy chooilley eean, as cre-erbee ta snaue er y thalloo, lurg nyn geint, hie ad magh ass yn arg.

Lioar Yob 39:1

Vel fys ayd’s cre’n traa ta goair feïe y chreg gymmyrkey? as vel toiggal ayd’s cuin ta ny feeaïhee breh?

Lioar Yob 39:19

Nee uss hug troshid da’n niagh? nee uss ren coamrey e wannal lesh taarnagh?

Lioar Yob 39:5

Quoi t’er chur reamys da’n assyl fadane? ny quoi t’er eaysley kianglaghyn yn assyl oaldey?

Lioar Yob 39:9

Der oo er yn unicorn dy hirveish oo dy arryltagh, ny tannaghtyn liorish dty chratch?

Lioar Yob 40:15

Cur-my-ner nish Behemoth, ta mee er chroo mayrt; t’eh gee faiyr myr dow.

Psalmyn 104:18

Ta ny croink ard oayll son ny goair feïe: as myr shen ta ny creggyn son ny conninyn.

Psalmyn 104:23

Ta dooinney goll magh gys e obbyr, as gys e laboraght: derrey’n astyr.

Psalmyn 148:10

Beïyn as maase jeh dy chooilley cheint: cretooryn snauee as eeanlee skianagh;