Genesis 1:22 - Yn Vible Casherick 1775 1819

²² As vannee Jee ad, gra, Bee-jee messoil as jean-jee bishaghey, as lhieen-jee ushtaghyn ny marrey, as lhig da ny eeanlee bishaghey er y thalloo.

Genesis 1:22 ပူးပေါင်းရင်းမြစ်များ

Genesis 1:21

As ren Jee whaleyn mooarey y chroo, as dy chooilley chretoor bio snauee, ren ny ushtaghyn gymmyrkey magh dy palchey lurg nyn ghooghys, as dy chooilley eean skianagh lurg e ghooghys: as honnick Jee dy row eh mie.

Genesis 1:23

As va’n fastyr as y moghrey yn wheiggoo laa.

Genesis 1:28

As vannee Jee ad, as dooyrt Jee roo, Bee-jee messoil, as jean-jee bishaghey, as jean-jee yn seihll magh lesh cummaltee, as reill-jee harrish: as ta pooar eu harrish eeastyn ny marrey, as harrish eeanlee yn aer, as harrish dy chooilley nhee bio ta gleashagh er y thalloo.

Genesis 30:27

As dooyrt Laban rish, Ta mee guee ort, my ta mee er gheddyn foayr ayns dty hilley, fuirree mârym: son ta fys aym liorish prowal foddey, dy vel y Chiarn er my vannaghey er y ghraih ayd’s.

Genesis 30:30

Son s’fardalagh va dty chooid, my daink mee gys dty hie; as te nish er ny vishaghey gys ymmodee ayns earroo: as ta’n Chiarn er dty vannaghey neayr’s haink mee: as nish, nagh vel eh traa dou kiarail y ghoaill son my lught-thie hene myrgeddin?

Genesis 35:11

As dooyrt Jee rish, Mish y Jee ooilley-niartal: bee uss messoil as jean bishaghey; bee ashoon as earroo dy ashoonyn jeed’s, as hig reeaghyn veih dty veeghyn.

Genesis 8:17

Cur lhiat magh dy chooilley nhee bio ta mayrt, jeh dy chooilley ghooghys, chammah jeh ny eeanlee, as jeh’n maase, as jeh dagh cretoor ta snaue er y thalloo; dy vod ad cheet er-ash dy palchey er y thalloo, as ve messoil, as bishaghey er yn ooir.

Genesis 9:1

As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lhieeney.

Lioar Yob 40:15

Cur-my-ner nish Behemoth, ta mee er chroo mayrt; t’eh gee faiyr myr dow.

Lioar Yob 42:12

Myr shoh vannee’n Chiarn jerrey bea Yob ny smoo na’n toshiaght: son v’echey kiare thousaneyn jeig keyrragh, as shey thousane camel, as thousane whing dy ghew, as thousane assyl bwoirryn.

Psalmyn 107:31

O dy jinnagh deiney er-y-fa shen yn Chiarn y voylley son e vieys: as fockley magh ny yindyssyn t’eh dy yannoo son cloan gheiney!

Psalmyn 107:38

T’eh dy nyn mannaghey ad, dy vel ad bishaghey erskyn towse: as cha vel eh surranse da’n maase oc dy ve ny sloo ayns earroo.

Psalmyn 128:3

Bee dty ven myr y billey-feeyney messoil, er voallaghyn dty hie;

Raaghyn Creeney 10:22

Ta bannaght y Chiarn berchagh, as cha vel eh coyrt seaghyn erbee lesh.

Leviticus 26:9

Son neem’s soiaghey jiuish, as jannoo shiu messoil, as bishaghey shiu, as niartaghey my chonaant riu.