Genesis 1:21 - Yn Vible Casherick 1775 1819

²¹ As ren Jee whaleyn mooarey y chroo, as dy chooilley chretoor bio snauee, ren ny ushtaghyn gymmyrkey magh dy palchey lurg nyn ghooghys, as dy chooilley eean skianagh lurg e ghooghys: as honnick Jee dy row eh mie.

Genesis 1:21 ပူးပေါင်းရင်းမြစ်များ

Genesis 1:18

As dy reill harrish y laa, as harrish yn oie, as dy scarrey yn soilshey veih yn dorraghys: as honnick Jee dy row eh mie.

Genesis 1:20

As dooyrt Jee, Lhig da ny ushtaghyn gymmyrkey magh dy palchey yn cretoor snauee ayn ta bioys, as eeanlee nee getlagh erskyn yn ooir ’syn aer feayn foshlit fo niau.

Genesis 1:22

As vannee Jee ad, gra, Bee-jee messoil as jean-jee bishaghey, as lhieen-jee ushtaghyn ny marrey, as lhig da ny eeanlee bishaghey er y thalloo.

Genesis 1:25

As chroo Jee beishtyn y thallooin lurg nyn ghooghys, yn maase lurg nyn ghooghys, as dy chooilley nhee ta snaue er yn ooir lurg e ghooghys: as honnick Jee dy row eh mie.

Genesis 1:31

As honnick Jee dy chooilley nhee v’eh er chroo as cur-my-ner ve feer vie. As va’n fastyr as y moghrey yn cheyoo laa.

Genesis 2:19

As jeh’n ooir chroo yn Chiarn Jee ooilley beiyn y vagher as ooilley eeanlee yn aer, as hug eh lesh ad gys Adam, dasyn dy choyrt ennym orroo: as cre-erbee yn ennym hug Adam er dagh cretoor bio, shen va’n ennym echey.

Genesis 6:20

Jeh ny eeanlee lurg nyn ghooghys, as jeh’n maase lurg nyn ghooghys, jeh dagh nhee ta snaue er y thalloo lurg e ghooghys: hig jees jeh dagh horch hood’s dy reayll ad bio.

Genesis 7:14

Adsyn, as dagh baagh lurg e cheint, as ooilley’n maase, lurg nyn geint, as dy chooilley nhee ta snaue er y thalloo lurg e cheint, as dy chooilley eean lurg e cheint, dy chooilley ushag jeh dagh horch.

Genesis 8:17

Cur lhiat magh dy chooilley nhee bio ta mayrt, jeh dy chooilley ghooghys, chammah jeh ny eeanlee, as jeh’n maase, as jeh dagh cretoor ta snaue er y thalloo; dy vod ad cheet er-ash dy palchey er y thalloo, as ve messoil, as bishaghey er yn ooir.

Genesis 8:19

Dy chooilley vaagh, dy chooilley nhee snauee, as dy chooilley eean, as cre-erbee ta snaue er y thalloo, lurg nyn geint, hie ad magh ass yn arg.

Genesis 9:2

As bee yn aggle as yn arrym reueish er ooilley beiyn y thallooin, as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t’ad er nyn goyrt.

Genesis 9:7

As shiuish, bee-jee messoil, as jean-jee bishaghey; as coamree-jee yn seihll dy palchey, as jean-jee bishaghey ayn.

Lioar Yob 12:7

Agh fênee nish jeh maase y vagher, as nee ad dty ynsaghey; as jeh eeanlee’n aer, as nee ad ginsh dhyt:

Lioar Yob 26:5

Va ny tranlaasee niartal ’sy chenn earish er nyn stroie fo ny ushtaghyn, marish ny cummaltee elley.

Lioar Yob 7:12

Nee keayn, ny whale mee, dy vel oo troggal sterrym m’oï?

Psalmyn 148:7

Moylley-jee yn Chiarn er y thalloo: shiuish whaleyn, as ooilley ny ynnydyn dowiney.

Exodus 1:7

As va cloan Israel sluightoil, as ren ad bishaghey dy mooar, as daase ad ayns earroo, as haink ad dy ve erskyn-towse pooaral: as lhieen ad y cheer.

Exodus 8:3

As ver yn awin magh froggyn dy palchey, hed seose, as hig ad stiagh ayns dty hie, as ayns dty hiamyr-lhiabbagh, as er dty lhiabbee, as ayns thie dty harvaantyn, as er dty phobble, as ayns nyn ogheyn, as nyn siyn fuinnee.

Ezekiel 32:2

Vac y dooinney, gow seose bardoon son Pharaoh ree Egypt, as abbyr rishyn, T’ou uss goll-rish lion aeg fud ny ashoonyn, as t’ou myr whale ayns ny faarkaghyn: as haink oo magh trooid dty awinyn, as ren oo seiy ny ushtaghyn lesh dty chassyn, as broghey dty awinyn.

Jonah 1:17

Nish va’n Chiarn er chiarail eeast mooar dy lhuggey seose Jonah, as va Jonah ayns bolg yn eeast, three laa as three oieghyn.

Jonah 2:10

As hug y Chiarn currym er yn eeast, as hilg eh magh Jonah er y thalloo chirrym.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.