Genesis 1:2 - Yn Vible Casherick 1775 1819

² As va’n thalloo gyn cummey, as feayn; as va dorraghys er eaghtyr y diunid: as ren spyrryd Yee gleashagh er eaghtyr ny ushtaghyn.

Genesis 1:2 ပူးပေါင်းရင်းမြစ်များ

Lioar Yob 26:14

Cur-my-ner, cha vel ad shoh agh ayrn giare jeh ny raaidyn echey; agh cre cha beg ta nyn dushtey jeh e obbraghyn? as taarnagh e phooar quoi oddys toiggal?

Lioar Yob 26:7

T’eh sheeyney magh yn twoaie harrish y feaynid vooar, as t’eh cummal seose yn seihll er y folmid.

Lioar Yob 38:9

Tra ren mee yn bodjal y yannoo son e choamrey, as dorraghys trome ny chryss-soillee da,

Lioar Yob 41:32

T’eh cur er luddan-mea dy hoilshean ny yeï; heillagh fer yn diunid dy ve lheeah.

Psalmyn 104:30

Tra t’ou lhiggey magh dt’ennal, bee ad er nyn groo: as t’ou cur eddin noa da eaghtyr y thallooin.

Psalmyn 104:6

Choodee oo eh lesh y diunid myr lesh garmad: ta ny ushtaghyn lhie ayns ny croink.

Psalmyn 136:6

Ren sheeyney magh yn thalloo erskyn ny ushtaghyn: son ta e vyghin farraghtyn son dy bragh.

Psalmyn 148:7

Moylley-jee yn Chiarn er y thalloo: shiuish whaleyn, as ooilley ny ynnydyn dowiney.

Psalmyn 33:6

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal.

Raaghyn Creeney 8:24

Roish my row diunidyn ayn, va mish ayn: tra nagh row ny farraneyn ushtey er vrishey magh.

Isaiah 31:5

Myr eeanlee lesh nyn skianyn, myr shen nee Chiarn ny flaunyssee fendeil Jerusalem; fendeil nee eh myrgeddin ish y livrey, as goll harrish nee eh ish y choadey.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Jeremiah 4:23

Yeeagh mee er y thalloo, as cur-my-ner, ve gyn cummey as feayn; as er ny niaughyn, as cha row veg y toilshey ayndoo.

Nahum 2:10

T’ee follym, as feayn, as faasagh, as ta’n cree faitagh, as ta ny glioonyn bwoalley noi-ry-hoi, as ta guin ghyere ayns ooilley nyn meeghyn, as ta neeal y dorraghys er dy chooilley eddin.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Deuteronomy 32:11

Myr ta’n urley gynsaghey yn aalagh eck dy etlagh, clussaghey harrishdoo, skeayley e skianyn er-nyn-skyn, goaill ad, as gymmyrkey ad er e skianyn;