Genesis 1:16 - Yn Vible Casherick 1775 1819

¹⁶ As chroo Jee daa hoilshey mooar; yn soilshey smoo dy reill yn laa, as yn soilshey sloo dy reill yn oie: chroo eh ny rollageyn myrgeddin.

Genesis 1:16 ပူးပေါင်းရင်းမြစ်များ

Genesis 1:15

As lhig daue ve son soilshaghyn ayns yn aer fo niau, dy choyrt soilshey er y thalloo: as shen myr ve.

Lioar Yob 31:26

My hug mee my-ner y ghrian tra ve soilshean, ny’n eayst gimmeeaght ayns sollyssid,

Lioar Yob 38:7

Tra ren rollageyn y voghrey nyn arraneyn-moyllee y ghoaill cooidjagh, as tra ren ooilley cloan Yee troggal seose nyn goraa son boggey?

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollageyn as soilshey.

Psalmyn 148:5

Lhig daue Ennym y Chiarn y voylley: son loayr eh yn fockle, as v’ad jeant; doardee eh, as v’ad er nyn groo.

Psalmyn 19:6

T’eh goll magh veih’n ayrn sodjey jeh’n aer, as goaill combaase mygeayrt ny ardjyn echey reesht: as cha vel nhee erbee follit veih’n chiass echey.

Psalmyn 74:16

Hug oo lhiat farraneyn, as ushtaghyn magh ass ny creggyn creoi: hyrmee oo seose ushtaghyn niartal.

Psalmyn 8:3

Son goym tastey jeh dty niaughyn, eer obbraghyn dty veïr: yn eayst as ny rollageyn t’ou er n’oardaghey.

Isaiah 13:10

Son cha der rollageyn niau, ny ny co-soilshaghyn, nyn sollyssid: nee’n ghrian girree ayns dorraghys, as cha jean yn ray-sollys soilshean.

Isaiah 24:23

Eisht bee yn eayst fo dorraghys, as bee yn ghrian fo dooid, tra nee Chiarn ny flaunyssee reill ayns cronk Zion, as ayns Jerusalem, as kiongoyrt rish e hanstyr, dy gloyroil.

Isaiah 40:26

Trog-jee seose nyn sooillyn dy ard, as cur-jee my-ner quoi t’er chroo ny reddyn t’ayns shen, ta cur magh yn cheshaght oc rere nyn earroo: t’eh geamagh orroo ooilley lurg ny enmyn oc, lesh mooadys e niart; son t’eh niartal ayns pooar; cha vel unnane failleil.

Isaiah 45:7

Ta mee kiaddey yn soilshey, as croo yn dorraghys; ta mee jannoo shee as reill yn olk. Mish yn Chiarn ta bun ooilley ny reddyn shoh.

Jeremiah 31:35

Myr shoh ta’n Chiarn gra, ta coyrt yn ghrian son soilshey ’sy laa, as oardaghyn yn eayst as ny rollageyn son soilshey ’syn oie, ta seiy seose yn aarkey tra ta ny tonnyn eck feiyral: ta Chiarn ny flaunyssee e ennym:

Habakkuk 3:11

Hass y ghrian, as yn eayst ayns nyn ynnyd: ec soilshey dty hideyn ren ad getlagh, as ec sollyssid dty shleiy soilsheanagh.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mian 27:45

Nish veih yn cheyoo oor, va dorraghys harrish ooilley yn cheer, gys yn nuyoo oor.

1 Corinthianee 15:41

Ta un ghloyr ayn jeh’n ghrian, as gloyr elley jeh’n eayst, as gloyr elley jeh ny rollageyn: son ta un rollage erskyn rollage elley ayns gloyr.

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.