Genesis 1:14 - Yn Vible Casherick 1775 1819

¹⁴ As dooyrt Jee, Lhig da soilshaghyn ve ayns yn ayr fo niau, dy scarrey yn laa veih yn oie: as lhig daue ve son cowraghyn, as son imbaghyn, as son laghyn, as bleeantyn.

Genesis 1:14 ပူးပေါင်းရင်းမြစ်များ

Genesis 1:13

As va’n fastyr as y moghrey yn trass laa.

Genesis 1:15

As lhig daue ve son soilshaghyn ayns yn aer fo niau, dy choyrt soilshey er y thalloo: as shen myr ve.

Genesis 8:22

Choud as ta’n seihll er-mayrn, cha jean traa-correy, as fouyr, feayraght as chiass, sourey as geurey, laa as oie, dy bragh failleil.

Genesis 9:13

Ta mee soiaghey my gholl-twoaie ayns y vodjal, as bee eh son cowrey jeh yn chonaant ta eddyr mish as y seihll.

Lioar Yob 25:3

Vod ny sheshaghtyn-caggee echey ve er nyn earroo? as quoi er nagh vel e hoilshey girree?

Lioar Yob 25:5

Cur-jee my-ner eer yn eayst hene, as cha vel ee soilshean; dy feer, cha vel ny rollageyn gyn cron ayns e hilley:

Lioar Yob 3:9

Lhig da rollageyn e cho-leayrtys ve fo dorraghys; lhig da jeeaghyn son soilshey, agh ayns fardail, chamoo lhig da fakin ferrooghyn y voghrey:

Psalmyn 119:91

T’ad tannaghtyn gys y laa t’ayn jiu cordail rish dty oardagh: son ta dy chooilley nhee dy dty hirveish.

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollageyn as soilshey.

Psalmyn 148:6

T’eh er n’yannoo ad shickyr son dy bragh as dy bragh: t’eh er choyrt daue leigh nagh bee er ny vrishey.

Psalmyn 150:1

O cur-jee moylley da Jee ayns e chasherickys: moylley-jee eh ayns yrjid e phooar.

Psalmyn 81:3

Sheid-jee yn cayrn dy ard ec yn eayst-noa: dy jarroo ec y traa ta pointit, as er y laa-feailley casherick ain.

Isaiah 40:26

Trog-jee seose nyn sooillyn dy ard, as cur-jee my-ner quoi t’er chroo ny reddyn t’ayns shen, ta cur magh yn cheshaght oc rere nyn earroo: t’eh geamagh orroo ooilley lurg ny enmyn oc, lesh mooadys e niart; son t’eh niartal ayns pooar; cha vel unnane failleil.

Jeremiah 10:2

Myr shoh ta’n Chiarn dy ghra, Ny ynsee-jee aght ny ashoonee, as ny bee-jee atchimagh son cowraghyn yn aer; son ta ny ashoonee feer atchimagh rhymboo.

Jeremiah 31:35

Myr shoh ta’n Chiarn gra, ta coyrt yn ghrian son soilshey ’sy laa, as oardaghyn yn eayst as ny rollageyn son soilshey ’syn oie, ta seiy seose yn aarkey tra ta ny tonnyn eck feiyral: ta Chiarn ny flaunyssee e ennym:

Jeremiah 33:20

Myr shoh ta’n Chiarn dy ghra, My oddys shiu brishey my chonaant jeh’n laa, as my chonaant jeh’n oie, as nagh beagh laa as oie ayns nyn imbagh cooie;

Jeremiah 33:25

Myr shoh ta’n Chiarn gra, Mannagh vel my chonaant shickyr rish laa as oie, as mannagh vel mee er phointeil nyn oardaghyn son niau as thalloo;

Ezekiel 46:1

Myr shoh ta’n Chiarn Jee dy ghra, Bee giat yn chooyrt sodjey stiagh ta jeeaghyn lesh y niar dooint er ny shey laghyn-obbyr: agh er y doonaght bee eh er ny osley.

Ezekiel 46:6

As er laa yn eayst-noa vees dow aeg gyn lheamys, as shey eayin, as rea: bee ad shoh gyn lheamys.

Joel 2:10

Nee yn thalloo craa kiongoyrt roo, bee ny niaughyn er-creau; hig dorraghys er y ghrian as yn eayst, as cha geau ny rollageyn nyn soilshey.

Joel 3:15

Bee yn ghrian as yn eayst fo dorraghys, as cha geau ny rollageyn nyn soilshey.

Amos 5:8

Shir-jee huggeysyn ta jannoo ny shiaght rollageyn, as Orion, as chyndaa scadoo yn vaaish gys soilshey yn voghrey, as yn laa gys dorraghys yn oie: ta geamagh er ushtaghyn ny marrey, as deayrtey magh ad er eaghtyr ny hooirey, yn Chiarn yn ennym echey:

Amos 8:9

As hig eh gy-kione ’sy laa shen, ta’n Chiarn Jee dy ghra, dy der-ym er y ghrian dy lhie ec y vun-laa, as nee’m y thalloo dorraghey ’sy laa hollys.

Noo Mian 2:2

Gra, Cre vel ree ny Hewnyn t’er jeet er y theihll? son honnick shin y rollage echey ayns y shiar, as ta shin er jeet dy chur ooashley da.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mark 13:24

Agh ayns ny laghyn cheddin, lurg y seaghyn shen, aasee yn ghrian dorraghey, as cha der yn eayst e soilshey:

Noo Luke 23:45

As va’n ghrian dorraghey, as va curtan-scarree yn chiamble raipit veih-my-cheilley.

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

Ashlish 6:12

As honnick mee tra doshil eh yn cheyoo seal, as cur-my-ner, va craa mooar thallooin ayn, as haink y ghrian dy ve doo myr aanrit-sack geyshteenagh, as va’n eayst myr fuill:

Ashlish 8:12

As heid y chiarroo ainle, as va’n trass ayrn jeh’n ghrian fo dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.

Ashlish 9:2

As doshil eh yn diunid gyn-grunt, as dirree jaagh ass y diunid myr jaagh coirrey; as va’n ghrian as yn aer ayns dorraghys, kyndagh rish jaagh y diunid.