Genesis 1:11 - Yn Vible Casherick 1775 1819

¹¹ As dooyrt Jee, Lhig da’n thalloo gymmyrkey faiyr, yn losserey ceau rass, as y billey gymmyrkey mess lurg e ghooghys, yn rass echey t’ayns hene er y thalloo, as shen myr ve.

Genesis 1:11 ပူးပေါင်းရင်းမြစ်များ

Genesis 1:12

As ren y thalloo gymmyrkey faiyr, as losserey ceau rass lurg e ghooghys; as y billey tilgey mess, e rass t’ayns hene, lurg e ghooghys: as honnick Jee dy row eh mie.

Genesis 1:29

As dooyrt Jee, Cur-my-ner, ta mee er choyrt diu dy chooilley losserey ta gymmyrkey rass, er slane eaghtyr y thallooin, as dy chooilley villey ayn ta mess billey gymmyrkey rass: diuish vees eh son beaghey.

Genesis 2:16

As hug y Chiarn Jee sarey da’n dooinney, gra, Jeh mess ooilley biljyn y gharey foddee oo dy arryltagh gee:

Genesis 2:5

As dy chooilley villey jeh’n vagher roish my row ad er yn ooir, as ooilley lossreeyn y vagher roish my daase ad; son cha row yn Chiarn Jee foast er choyrt fliaghey er yn ooir, as cha row dooinney ayn dy laboragh y thalloo.

Genesis 2:9

As magh ass y thalloo hug y Chiarn Jee er dy chooilley villey gaase ta pleasal da’n thooill, as mie son beaghey; yn billey dy vea myrgeddin t’ayns mean y gharey, as y billey dy hushtey jeh mie as sie.

Lioar Yob 28:5

Agh er son y thalloo, ass shen ta’n arran cheet; as fo t’er ny hyndaa seose myr dy beagh eh aile.

Psalmyn 1:3

As bee eh myr billey soit rish oirr yn ushtey: ver magh e vess ayns imbagh cooie.

Psalmyn 147:8

Ta coodaghey yn aer lesh bodjallyn, as jannoo aarloo yn fliaghey son y thalloo: ta coyrt er y faiyr dy aase er ny sleityn, as lossreeyn son ymmyd deiney;

Isaiah 61:11

Son myr ta’n thalloo coyrt magh blaa, as myr ta ny rassyn ta cuirrit ’sy gharey cheet er-ash; myr shen ver y Chiarn Jee er cairys as moylley dy vlaaghey magh kiongoyrt rish ooilley ny ashoonyn.

Jeremiah 17:8

Son bee eh myr billey soit rish oirr yn ushtey, as ta skeayley magh e fraueyn rish yn awin, as cha n’ennee eh tra ta’n chiass loshtee cheet, agh bee e ghuillag glass; as ’sy vleïn ghonney cha bee eh anveagh, chamoo nee eh scuirr veih gymmyrkey mess.

Noo Mian 3:10

As nish hene ta’n teigh er ny choyrt gys fraue ny biljyn: shen-y-fa ta dy chooilley villey nagh vel gymmyrkey magh mess mie, dy ve giarit sheese as tilgit ayns yn aile.

Noo Mian 6:30

My ta Jee er-y-fa shen myr shoh coamrey blaa ny magheragh, ta jiu ayn, as mairagh ceaut ayns yn oghe, nagh jean eh foddey smoo shiuish y choamrey, O gheiney faase-chredjuagh?

Noo Mark 4:28

Son ta’n thalloo cur magh mess j’ee hene, hoshiaght yn chass, eisht yn jeeas, ny lurg shen, yn arroo creen ayns y jeeas.

1 Corinthianee 15:38

Agh ta Jee cur corp da myr saillish hene, as da dy chooilley rass e chorp hene.

Hebrewnee 6:7

Son y thalloo ta soo yn fliaghey ta tuittym dy mennick er, as gymmyrkey lossyreeyn cooie er nyn son ocsyn ta dy obbraghey eh, te geddyn bannaght veih Jee:

Jamys 3:12

Vod y billey-figgagh, my vraaraghyn, gymmyrkey berrishyn-olive? ny billey-feeyney figgyn? myr shen cha vod farrane erbee cur magh ushtey sailjey as oor?