Ezra 7:9 - Yn Vible Casherick 1775 1819

⁹ Son er y chied laa, jeh’n chied vee, ren eh toshiaght er e yurnah veih Babylon, as er y chied laa jeh’n wheiggoo vee haink eh gys Jerusalem, myr va laue vie e Yee mârish.

Ezra 7:9 ပူးပေါင်းရင်းမြစ်များ

Ezra 7:28

As t’er heeyney magh e vyghin orrym’s kiongoyrt rish y ree as e ir-choyrlee, as kiongoyrt rish ooilley ard phrinceyn y ree: as va mee er my niartaghey myr va laue vie’n Chiarn my Yee orrym; as haggil mee cooidjagh ass Israel, ard-gheiney dy gholl seose mârym.

Ezra 7:6

Hie Ezra shoh seose veih Babylon, as v’eh ny scrudeyr slane ynsit ayns leigh Voses, va’n Chiarn Jee Israel er harey: as hug y ree daa ooilley e yeearree, myr va laue yn Chiarn e Yee mârish.

Ezra 7:8

As haink eh gys Jerusalem ayns y wheiggoo vee, ’sy chiaghtoo vleïn jeh reill y ree.

Ezra 8:18

As liorish laue vie yn Jee ain mârin, hug ad lhieu hooin dooinney tushtagh, jeh mec Mahli, mac Levi, mac Israel, as Sherebiah, marish e vec as e vraaraghyn, hoght-jeig.

Ezra 8:22

Son cha lhiggagh y nearey dou shirrey veih’n ree sheshaght dy hidooryn, as markee, dy chooney lhien noi’n noid er y raad: er-yn-oyr dy row shin er loayrt rish y ree, gra, Ta laue’n Jee ayn orroosyn ooilley son mie ta dy hirrey eh, agh ta e phooar as e yymmoose noi ocsyn ooilley ta treigeil eh.

Ezra 8:31

Eisht hie shin roïn veih awin Ahava, er y nah laa yeig jeh’n chied vee, dy gholl gys Jerusalem; as va laue’n Jee ain harrin, as livrey eh shin veih laue yn noid, as nyn lheid as va ny lhie cooyl-chlea dy follit er y raad.

Ezra 8:32

As haink shin gys Jerusalem, as duirree shin ayns shen three laa.

Nehemiah 2:18

Eisht dinsh mee daue jeh laue vie my Yee, va mârym, as myrgeddin ny goan va’n ree er loayrt rhym. As dooyrt ad, Irree-jee as lhig dooin troggal. Er shoh ren ad niartaghey ny laueyn oc, son yn obbyr vie shoh.

Nehemiah 2:8

As screeuyn gys Asaph forrester y ree, dy choyrt dou fuygh, dy yannoo postyn son giattyn cooyrt y chiamble, as son voalley yn ard-valley, as son y thie hem stiagh ayn. As my yeearree hug y ree dou, myr va laue vie my Yee mârym.

Psalmyn 80:18

As myr shen cha jed mayd back voïd’s: O lhig dooin ’ve bio, as nee mayd geamagh er dt’Ennym.

Isaiah 66:14

As lurg diu shoh y akin, gowee yn cree eu boggey, as nee ny craueyn eu blaaghey myr losserey; as bee laue yn Chiarn cronnal gys e hirveishee, as e yymmoose er e noidyn.