Ezra 5:3 - Yn Vible Casherick 1775 1819

³ Ec y traa cheddin haink huc Tatnai, kiannoort er cheu shoh jeh’n awin, as Shethar-bosnai, as ny sheshaghyn oc, loayr ad roo er yn aght shoh, Quoi doardee diu dy hroggal y thie shoh, as dy yannoo mie yn voalley shoh?

Ezra 5:3 ပူးပေါင်းရင်းမြစ်များ

Ezra 1:3

Quoi ta ny mast’ eu jeh ooilley e phobble? e Yee dy row mârish, as lhig da goll seose gys Jerusalem t’ayns Judah, as troggal thie yn Chiarn, Jee Israel, (eshyn y Jee) ta ayns Jerusalem.

Ezra 4:12

Lhig da fys ’ve ec y ree, dy vel ny Hewnyn, hug uss seose hooin, er jeet gys Jerusalem, troggal yn ard-valley mee-viallagh as dangeragh, as er hoiaghey seose ny voallaghyn eck, as er niartaghey ny undinyn.

Ezra 4:9

Myr shoh scrieu Rehum yn ard-vriw, as Shimshai yn scrudeyr, as y chooid elley jeh’n cheshaght: ny Dinaiteyn, ny Apharsathchiteyn, ny Tarpeliteyn, ny Apharsiteyn, ny Archeviteyn, ny Babylonianee, ny Susanchiteyn, ny Dehaviteyn, ny Elamiteyn;

Ezra 5:6

Copy jeh’n screeuyn, ren Tatnai kiannoort er cheu shoh jeh’n awin, as Shethar-bosnai, as e heshaghyn ny Apharsachiteyn, er cheu shoh jeh’n awin, y choyrt gys Darius y ree.

Ezra 5:9

Eisht dênee shin jeh ny shanstyryn shen, as dooyrt shin roo er yn aght shoh, Quoi doardee diuish dy hroggal y thie shoh, as dy yannoo seose ny voallaghyn shoh?

Ezra 6:13

Eisht ren Tatnai yn kiannoort er cheu shoh jeh’n awin, Shethar-bosnai as ny sheshaghyn oc, dy tappee cordail rish shen va Darius y ree er harey.

Ezra 6:6

Nish er-y-fa shen, shiuish Tatnai, kiannoort cheu elley jeh’n awin, Shethar-bosnai, as y cheshaght eu, ny Apharsachiteyn ta cheu elley jeh’n awin, freill-jee shiu hene foddey voue.

Ezra 7:21

As ta mish, eer mee hene Artaxerxes y ree, cur magh sarey da ooilley ny resowryn ta cheu elley jeh’n awin, cre-erbee hirrys Ezra yn saggyrt, scrudeyr ayns leigh Yee flaunys, erriu, dy bee eh jeant ass laue;

Haggai 1:1

Ayns y nah vleïn jeh ree Darius, ayns y cheyoo vee, er y chied laa jeh’n vee, haink goo yn Chiarn liorish Haggai yn phadeyr gys Zerubbabel, mac Shealtiel, kiannoort Yudah, as gys Joshua, mac Yosedech, yn ard-saggyrt, gra,

Noo Mian 21:23

As tra v’eh er jeet stiagh ayns y chiamble, haink ny ard-saggyrtyn as shanstyr yn phobble huggey myr v’eh gynsaghey, gra, Cre’n phooar t’ayd’s dy yannoo ny reddyn shoh? as quoi hug yn phooar shoh dhyt?

Jannoo 4:7

As tra v’ad er chur orroo shassoo stiagh, dênee ad jeu, Liorish cre’n phooar ny cre’n ennym ta shiu er n’yannoo shoh?